ప్రముఖ ఈ-కామర్స్ సంస్థ అమెజాన్ తన ఉద్యోగులకు ఓ శుభవార్త చెప్పింది. కరోనా వైరస్‌ సంక్షోభంలోనూ పనిచేస్తున్న ముందు వరుస ఉద్యోగులకు ఏకకాల బోనస్లు అందజేస్తామని ప్రకటించింది. ఇందుకోసం 500 మిలియన్ డాలర్లు (దాదాపు రూ.3,775 కోట్లు) ఖర్చుచేస్తామని వెల్లడించింది.
అమెజాన్ ఉద్యోగులకు రూ.3వేల కోట్ల బోనస్ - బోనస్
అమెజాన్ తన ఉద్యోగులకు.. ఏకకాల బోనస్లు అందించనున్నట్లు ప్రకటించింది. కరోనా సంక్షోభంలోనూ పనిచేస్తున్న వారికి ఈ ప్రయోజనాలు అందుతాయని సంస్థ స్పష్టం చేసింది. ఇందుకోసం దాదాపు 500 మిలియన్ డాలర్లు ఖర్చుచేస్తామని ఓ ప్రకటనలో తెలిపింది.
అమెజాన్ ఉద్యోగులకు రూ.3వేల కోట్ల బోనస్
జూన్‌ వరకు పనిచేసిన ఉద్యోగులు, భాగస్వాములు ఒక్కొక్కరు 150 డాలర్లు (రూ11,300) నుంచి 3000 డాలర్లు (రూ.2.26 లక్షలు) ఏకకాల బోనస్‌గా అందుకుంటారని అమెజాన్ తెలిపింది. ప్రపంచంలోనే అతి పెద్ద ఈ కామర్స్ కంపెనీ అయిన అమెజాన్ ఏటా 10 బిలియన్‌ వస్తువులను వినియోగదారుల వద్దకు చేరుస్తుంది.
ప్రస్తుతం ప్రపంచవ్యాప్తంగా కరోనా వైరస్‌ ప్రబలడంతో అమెజాన్‌కు ఇబ్బందులు ఎదురవుతున్నాయి. ఆ సంస్థ తన ఉద్యోగుల భద్రతకు చర్యలు తీసుకుంటుందా, భౌతిక దూరం, మాస్క్‌లు, శానిటైజర్ల వినియోగం, ఆరోగ్య తనిఖీలు చేపడుతోందా లేదా అని అమెరికా ప్రభుత్వం నిఘా పెట్టింది. అయితే.. మహమ్మారి సమయంలో ఎక్కువమంది తమ అవసరాల కోసం ఈ కామర్స్ సంస్థలపైనే ఆధారపడుతున్నారు.