ప్రముఖ ఆటోమొబైల్‌ ఉత్పత్తుల సంస్థ మారుతీ సుజుకీకి చెందిన ఆల్టో కారు వరుసగా 16 ఏడాది బెస్ట్ సెల్లింగ్ కారుగా నిలిచిందని ఆ సంస్థ ఓ ప్రకటనలో వెల్లడించింది. చిన్న కార్లలో అత్యంత ఆదరణ గల ఆల్టోను 2019-20 మధ్యకాలంలో 1.48 లక్షల మంది కొనుగోలు చేసినట్లు తెలిపింది.
ఆల్టోను 2000 సంవత్సరంలో మార్కెట్లోకి తీసుకొచ్చారు. 2004లో మొదటిసారి బెస్ట్ సెల్లింగ్ కారుగా నిలిచింది. అప్పటి నుంచి మార్కెట్లో తిరుగులేకుండా పోయింది.
ఆల్టోకు బలమైన కస్టమర్ బేస్ ఉందని, ఎప్పటికప్పుడు అప్గ్రేడ్ చేస్తుండటం, సరికొత్త హంగులు జోడించడం వల్లే మంచి ఆదరణ లభిస్తోందని మారుతీ సుజుకీ ఇండియా ఎగ్జిక్యూటివ్ డైరెక్టర్(మార్కెటింగ్ అండ్ సేల్స్) శశాంక్ శ్రీవాస్తవ అన్నారు.