వాట్సాప్ త్వరలో వెబ్తో పాటు ఆండ్రాయిడ్, ఐఓఎస్ ప్లాట్ఫామ్ల్లో డార్క్ మోడ్ ఫీచర్ను తీసుకురావడానికి సన్నాహాలు చేస్తోంది. అయితే దీనిపై వాట్సాప్ ఎలాంటి అధికారిక ప్రకటన చేయలేదు.
ప్రపంచంలో అత్యంత ప్రియమైన మెసేజింగ్ వేదికల్లో ఒకటైన వాట్సాప్ ఇటీవలే 2 బిలియన్ యాక్టివ్ యూజర్లను దాటింది. ఫేస్బుక్ యాజమాన్యంలోని ఈ అనువర్తనం సరికొత్త నవీకరణలు, గోప్యతా ప్రమాణాలతో వినియోగదారులకు అద్భుతమైన బ్రౌజింగ్ అనుభవాన్ని అందిస్తోంది.
వెబ్లోనూ
డబ్ల్యూఏబీటెల్ఇన్ఫో బ్లాగ్ ప్రకారం, వాట్సాప్ చాలా కాలంగా ఆండ్రాయిడ్, ఐఓఎస్ స్మార్ట్ఫోన్లలో డార్క్ మోడ్ ఫీచర్లను పరీక్షిస్తోంది. త్వరలోనే ప్రపంచవ్యాప్తంగా మొబైల్, డెస్క్టాప్ ప్లాట్ఫాం రెండింటిలోనూ ఈ ఫీచర్ను ప్రవేశపెట్టాలని యోచిస్తోంది.
అలాగే వాట్సాప్ డార్క్ మోడ్ ఫీచర్ .... ఎమోజీలు, స్టిక్కర్లలతో సహా మరెన్నో గణనీయమైన మార్పులను తీసుకువస్తుందని ఈ బ్లాగ్ పేర్కొంది.
బగ్ పరిష్కారమైంది...!
ఇటీవల వాట్సాప్ తీసుకొచ్చిన ఓ అప్డేట్లో బగ్ కనిపించింది. వాట్సాప్ గ్రూప్ చాట్స్ ఆహ్వాన లింక్ గూగుల్ సూచికను చూపించింది. ఫలితంగా తీవ్ర విమర్శలు వెల్లువెత్తాయి. అయితే వాట్సాప్ ఈ బగ్ను పరిష్కరించింది. గూగుల్ సెర్చ్లోని వాట్సాప్ గ్రూప్ చాట్ ఆహ్వాన లింక్లను పూర్తిగా తొలగించింది.
త్వరలో!
వాట్సాప్... డార్క్మోడ్ ఫీచర్ను ఎప్పుడు తీసుకొస్తుందో మాత్రం అధికారికంగా ప్రకటించలేదు. అయితే ఆండ్రాయిడ్ బీటా వెర్షన్ 2.20.31 బిల్డ్లో కొత్త ముదురు రంగులను ఉపయోగించడం మాత్రం కనిపించింది. దీని అర్థం డార్క్మోడ్ ఫీచర్ నలుపు కాకుండా ఇతర ముదురు రంగులను కలిగి ఉంటుంది.
ఓ మార్గం ఉంది..!
వినియోగదారులు తమ వాట్సాప్ వెబ్లో డార్క్ థీమ్ లాంటి మోడ్ను ఎనేబుల్ చేసుకోవాలనుకుంటే... వారికో మార్గం ఉంది. ఇందు కోసం ఎక్స్టర్నల్ క్రోమ్ ఎక్స్టెన్షన్ను డౌన్లోడ్ చేసుకోవాలి. తరువాత వాట్సాప్ డార్క్మోడ్ కోసం అందించే సూచనలు అనుసరించాలి. వాట్సాప్ డార్క్మోడ్ వినియోగదారులకు మొబైల్, డెస్క్టాప్ ప్లాట్ఫాంల్లో అద్భుతమైన బ్రౌజింగ్ అనుభవాన్ని ఇస్తుందనడంలో ఎలాంటి సందేహం లేదు.
ఇదీ చూడండి:ఆక్స్ఫర్డ్ వేదికగా ఒక్క చోట చేరిన మలాలా, థన్బర్గ్
