ఫోక్స్​వ్యాగన్ న్యూ టైగూన్ వచ్చేసింది.. ధర ఎంతంటే?

Volkswagen New launch: భారత మార్కెట్లోకి ఫోక్స్​వ్యాగన్​ సరికొత్త ​యూవీని విడుదల చేసింది. ఈ కొత్త వాహనం ఫీచర్లు, ధర పూర్తి వివరాలు మీ కోసం.

Volkswagen New launch: జర్మనీకి చెందిన ఆటోమొబైల్ దిగ్గజం ఫోక్స్​ వ్యాగన్​ భారత మార్కెట్లో టైగూన్​ ​యూవీ కార్​ను మంగళవారం విడుదల చేసింది. దీని ప్రారంభ ధర రూ.31.99 లక్షలుగా నిర్ణయించింది. ఈ కార్​కు సంబంధించిన బుకింగ్స్​ కూడా మంగళవారంతో ప్రారంభంకానున్నట్లు సంస్థ తెలిపింది. అయితే డెలివరీ మాత్రం జనవరి రెండో వారంలో ఉంటుందని పేర్కొంది.

ప్రీమియం లుక్​తో ఈ వాహనం వినియోగదారులకు మంచి అనుభూతినిస్తుందని డెరెక్టర్​ ఆషిష్​ గుప్తా పేర్కొన్నారు. స్టైల్​, పర్ఫార్మెన్స్​, సేఫ్టీ విభాగాలు మరింతగా ఆకట్టుకుంటాయని తెలిపారు. మొత్తం ఈ ఏడాదిలో ఫోక్స్​ వ్యాగన్ ఎస్​యూవీల్లో నాలుగు కార్లను విడుదల చేసినట్లు గుర్తు చేశారు.

ఫోక్స్​వ్యాగన్ న్యూ టైగూన్ ధర

స్టాండర్డ్ వేరియంట్ ఫీచర్లు..

• 12.65 కి.మీ మైలేజీ
• 7 స్పీడ్​ ట్రాన్సిమిషన్​
• 1984సీసీ ఇంజన్​​
• ఐదుగురు కూర్చునేలా సీటింగ్​
• యాంటి లాకింగ్​ సిస్టమ్​
• ఎలక్ట్రానిక్​ స్టెబిలిటీ కంట్రోల్​

టాటా వాణిజ్య వాహనాలు 2.5శాతం ప్రియం!

కమొడిటీ, ముడి పదార్థాల ధరలు పెరిగిపోతున్న నేపథ్యంలో జనవరి 1 నుంచి తమ వాణిజ్య వాహనాల ధరలను 2.5 శాతం పెంచనున్నట్లు టాటా మోటార్స్‌ సోమవారం వెల్లడించింది. మధ్య స్థాయి, భారీ స్థాయి వాణిజ్య వాహనాలు, తేలికపాటి వాణిజ్య వాహనాలు, చిన్న వాణిజ్య వాహనాలు, బస్సులపై మోడల్‌, వేరియంట్‌ ఆధారంగా ధరలు పెంచుతామని నియంత్రణ సంస్థలకు టాటా మోటార్స్‌ సమాచారమిచ్చింది.

ఇదీ చూడండి:ఆడీ ఏ4 సెడాన్​ కొత్త వేరియంట్‌.. ధర ఎంతంటే?