దేశంలో గతేడాది నవంబర్ 9 నుంచి 2021 జనవరి 31 మధ్య రూ.20,124 కోట్ల మేర జీఎస్టీ అక్రమాలు జరిగినట్లు కేంద్ర ఆర్థికమంత్రి నిర్మలా సీతారామన్ తెలిపారు. ఈ మేరకు రాజ్యసభలో లిఖితపూర్వకంగా సమాధానమిచ్చారు.
నకిలీ, బోగస్‌ పత్రాల ద్వారా ఇన్‌పుట్‌ ట్యాక్స్‌ క్రెడిట్‌ పొందిన కంపెనీలపై చర్యల కోసం దేశవ్యాప్తంగా ప్రత్యేక కార్యక్రమం నిర్వహించినట్లు తెలిపారు నిర్మల. ఈ అక్రమాలకు సహకరించిన అధికారులపై 2,692 కేసులు నమోదు చేసినట్లు స్పష్టం చేశారు. 282 మందిని అరెస్టు చేసి రూ.856 కోట్ల రూపాయలను తిరిగి స్వాధీనం చేసుకున్నట్లు వెల్లడించారు.