యూనియన్ బ్యాంక్ రుణాలు మరింత చౌక

వరుసగా 14వ సారీ ఎంసీఎల్​ఆర్​ తగ్గించింది యూనియన్​ బ్యాంక్. ఈ సారి 15 బేసిస్​ పాయింట్లు వడ్డీ రేటు తగ్గిస్తున్నట్లు ప్రకటించింది. తగ్గిన వడ్డీ రేట్లు ఆగస్టు 11 నుంచే అమలులోకి రానున్నట్లు వెల్లడించింది.

ప్రభుత్వ రంగ బ్యాంకింగ్ దిగ్గజం యూనియన్‌ బ్యాంకు వినియోగదారులకు శుభవార్త చెప్పింది. మార్జినల్ కాస్ట్​ ఫండ్ ఆధారిత రుణ రేటు(ఎంసీఎల్​ఆర్​)ను తగ్గించింది. ప్రస్తుతం ఉన్న 7.40 శాతం వడ్డీ రేటును 15 బేసిస్ పాయింట్లు తగ్గిస్తున్నట్లు యూనియన్​ బ్యాంక్ ప్రకటించింది. దీనితో వడ్డీ రేటు 7.25 శాతానికి దిగొచ్చింది.

మూడు నెలలు, ఆరు నెలల పరిమితి ఉండే రుణాలపై వడ్డీ రేట్లను 6.95 శాతం, 7.10 శాతానికి సవరించింది యూనియన్​ బ్యాంక్.

తగ్గిన వడ్డీ రేట్లు మంగళవారం(ఆగస్టు 11) నుంచే అమలులోకి రానున్నాయి.

2019 జులై నుంచి ఇప్పటి వరకు 14 సార్లు ఎంసీఎల్​ఆర్​ తగ్గించినట్లు యూనియన్ బ్యాంక్ గుర్తు చేసింది.

ఇదీ చూడండి:కరోనాతో మారిన వినియోగదారుల తీరు