ప్రపంచవ్యాప్తంగా సంచలనం రేపుతున్న 130 మంది ప్రముఖుల ట్విట్టర్ ఖాతాల హ్యాకింగ్ ఘటనపై ట్విట్టర్ విచారం వ్యక్తం చేసింది. హ్యాకింగ్కు గురైన 130 ఖాతాల్లో 45 ఖాతాల పాస్వర్డ్లు హ్యాకర్లు రీసెట్ చేయగలిగారని తెలిపింది.
'యువర్ ట్విట్టర్ డేటా' టూల్ ద్వారా 8 ఖాతాల సమాచారం హ్యాకర్లు డౌన్లోడ్ చేసుకున్నట్లు తెలిపింది ట్విట్టర్. అయితే ఆ ఖాతాలేవీ కుడా గుర్తింపు పొందినవి కాదని స్పష్టం చేసింది. ఈ విషయంపై ఖాతాదారులను సంప్రదించినట్లు వివరించింది.
"ఈ ఘటనతో మేం ఇబ్బంది పడ్డాము. నిరుత్సాహానికి గురయ్యాము. అన్నింటికంటే ముఖ్యంగా మీరు మమ్మల్ని క్షమించాలి. మళ్లీ మీ నమ్మకాన్ని తిరిగిపొందాలంటే మేం చాలా కష్టపడాలని మాకు తెలుసు. ఈ సమస్య పరిష్కారానికి అన్ని విధాల సహకరిస్తాం."