Toyota electric car: ప్రస్తుతం అంతర్జాతీయంగా విద్యుత్ వాహనాలకు డిమాండ్ పెరుగుతున్న క్రమంలో.. జపాన్కు చెందిన ప్రముఖ కార్ల తయారీ సంస్థ టొయోటా ఈ రంగంలోకి అడుగుపెట్టేందుకు సిద్ధమవుతోంది. వచ్చే దశాబ్ద కాలంలో 30 కొత్త ఎలక్ట్రిక్ వాహనాలను అంతర్జాతీయ మార్కెట్లోకి తీసుకొచ్చేందుకు ప్రణాళికలు రచిస్తోంది. ఇందులో భాగంగా ఎలక్ట్రిక్ క్రాస్ఓవర్స్, ఎస్యూవీ, కాన్సెప్ట్స్, పికప్ ట్రక్కు, స్పోర్ట్స్ కార్స్ మోడల్స్ను తీసుకొస్తోంది.
ఎలక్ట్రిక్ బిజినెస్ మోడల్ ప్రణాళికలో భాగంగా 2030 నాటికి వీటిని అందుబాటులోకి తీసుకురావాలని భావిస్తోంది టొయోటా. అందులో 2025 నాటికే సగం వాహనాలను విడుదల చేసేందుకు కార్యాచరణ చేపట్టింది.
టొయోటా నుంచి వచ్చే చిన్న సైజ్ ఎలెక్ట్రిక్ ఎస్యూవీ 2035 నాటికి ఎలక్ట్రిక్ బ్రాండ్గా..
ఇందులో భాగంగా అదనంగా బ్యాటరీ వెహికిల్ టెక్నాలజీలో 17.6 బిలియన్ డాలర్లు పెట్టుబడి పెడుతోంది టొయోటా. గతంలో 13.6 బిలియన్ డాలర్లుగా నిర్ణయించినప్పటికీ తాజాగా పెంచింది. ఈ చర్యతో అంతర్జాతీయంగా సంస్థ ప్రాతినిధ్యం పెరుగుతుందని భావిస్తోంది. అలాగే.. ప్రస్తుతం ప్రపంచవ్యాప్తంగా ఉన్న ప్లాంట్లను ఈవీ ప్లాంట్స్గా మార్చే ఆలోచన సైతం ఉన్నట్లు తెలుస్తోంది. 2035 నాటికి టొయోటా-లెక్సస్ బ్రాండ్ పూర్తిగా ఎలక్ట్రిక్గా మారనుందని సంస్థ ప్రతినిధులు తెలిపారు.
టొయోటా బీజెడ్ కాంపాక్ట్ ఎస్యూవీ.. ఈ బ్రాండ్లో అత్యంత తక్కువ ధర ఎలక్ట్రిక్ కారు ఎలక్ట్రిక్ ప్రణాళికల్లో భాగంగా పలు రకాల మోడల్స్ను ప్రదర్శించింది టొయోటా. అందులో సెడాన్స్, స్పోర్ట్స్ కార్స్, క్రాస్ఓవర్స్, ఎస్యూవీలు, పికప్ ట్రక్కులతో పాటు షటిల్ బస్సులు సైతం ఉన్నాయి. కానీ, వారి పూర్తి వివరాలను వెల్లడించలేదు సంస్థ.
టొయోటా ఎలక్ట్రిక్ స్పోర్ట్స్ కార్.. మరోవైపు.. 700 కిలోమీటర్ల రేంజ్తో లెక్సస్ స్పోర్ట్ కార్ను తీసుకొస్తున్నట్లు ప్రకటించింది. ఆ కారు కేవలం 2 సెకన్లలోనే 0 నుంచి 100 కిలోమీటర్ల వేగాన్ని అందుకుంటుందని తెలిపింది. టొయోటా తొలి లాంగ్ రేంజ్ ఈవీ, బీజడ్4ఎక్స్ కాంపాక్ట్స్ ఎస్యూవీ కారును 2022 మధ్య నాటికి అమెరికాలో విడుదల చేసేందుకు ప్రణాళిక చేస్తున్నారు.
ఇదీ చూడండి:కియా నుంచి కొత్త మోడల్.. 'కారెన్స్' లుక్ అదుర్స్
