ఫ్రెంచ్ దిగ్గజం టోటల్ ఎస్ఏ, అదానీ గ్రీన్ ఎనర్జీ లిమిటెడ్ (ఏజీఈఎల్)తో కలిసి సోలార్ ఎనర్జీ జాయింట్ వెంచర్లో రూ.3,707 కోట్లు పెట్టుబడి పెట్టింది. అదానీ గ్రూప్తో కలిసి టోటల్ ఎస్ఏ... భారత్లో పెట్టుబడి పెట్టడం ఇది మూడోసారి.
భారత్లోని 11 రాష్ట్రాల్లో 2,148 మెగావాట్ల ఆపరేటింగ్ సోలార్ ప్రాజెక్ట్ చేపట్టడమే ఈ జాయింట్ వెంచర్ లక్ష్యం. ఇందులో 50 శాతం భాగస్వామ్యం కోసం టోటల్ ఎస్ఏ... రూ.3,707 కోట్లు పెట్టుబడి పెట్టినట్లు అదానీ గ్రూప్ స్పష్టం చేసింది.
భారత్లో పాగా వేసేందుకు...
ఒడిశాలోని భద్రక్ జిల్లాలోని ధమ్రా వద్ద సంవత్సరానికి 5 మిలియన్ టన్నుల ఎల్ఎన్జీ (లిక్విడ్ నేచురల్ గ్యాస్) ఉత్పత్తి సామర్థ్యం ఉన్న టెర్మినల్ను అదానీ గ్రూప్ నిర్మిస్తోంది. ఇందులో 50 శాతం వాటాను గతేడాదే టోటల్ ఎస్ఏ స్వాధీనం చేసుకుంది.
ఆటోమొబైల్స్కు రిటైల్గా సీఎస్జీ, గృహవినియోగదారులకు సహజవాయు సరఫరా చేసే అదానీ గ్యాస్లో.. టోటల్ 37.4 శాతం వాటాను కొనుగోలు చేసింది. అంతే కాకుండా అదానీతో కలిసి భారత్ అంతటా పెట్రోల్ పంపులను ఏర్పాటు చేయాలని టోటల్ చూస్తోంది.
862 మిలియన్ డాలర్ల సేకరణ..
తమ జాయింట్ వెంచర్లో 2.148 గిగావాట్స్ ఆపరేటింగ్ సోలార్ ప్రాజెక్టులు ఉన్నాయని ఏజీఈఎల్-టోటల్లు ఓ ప్రకటనలో తెలిపాయి. ఈ పోర్టుఫోలియోలో గ్రూప్ 1, గ్రూప్ 2 ప్రాజెక్టులు ఉన్నాయి. ఇందు కోసం ఇటీవలే ఈ కంపెనీలు అంతర్జాతీయ బాండ్ మార్కెట్ల నుంచి 862.5 మిలియన్ డాలర్లు సేకరించాయి.
వాతావరణ కాలుష్యం సమస్యను పరిష్కరించే దిశగా... 2025 నాటికి 25 గిగావాట్ల పునరుత్పాదక ఇంధన పోర్ట్ఫోలియోను కలిగి ఉండడమే లక్ష్యంగా ఏజీఈఎల్ పనిచేస్తోంది.
ఇదీ చూడండి:ఎస్బీఐ వడ్డీ రేట్లు తగ్గింపు... వారికి నష్టం, వీరికి లాభం...
