మళ్లీ బాదుడు-పెట్రోల్, డీజిల్ ధర ఎంత పెరిగిందంటే..

భారత్​లో ఇంధన ధరల పెంపు కొనసాగుతోంది. లీటర్​ పెట్రోల్​పై 23 పైసలు.. డీజిల్​పై 30 పైసలు పెరిగింది. ఈ మేరకు నిర్ణయం తీసుకున్నట్లు చమురు మార్కెట్​ సంస్థలు ప్రకటించాయి.

దేశంలో వాహనదారులకు పెట్రోభారం ఇప్పట్లో తగ్గెట్లు కనిపించడం లేదు. రోజురోజుకు పెరుగుతున్న పెట్రోల్​, డీజిల్​ ధరలే(Fuel Price Today) ఇందుకు కారణం. తాజాగా శుక్రవారం.. దిల్లీలో (Fuel Price Today) లీటర్​ పెట్రోల్​ ధర 23 పైసలు పెరగ్గా.. డీజిల్​పై 30 పైసలు పెంచుతూ.. చమురు మార్కెట్​ సంస్థలు నిర్ణయం తీసుకున్నాయి. ఫలితంగా దిల్లీలో లీటర్​ పెట్రోల్​ ధర రూ.101.89కు చేరగా.. డీజిల్​ ధర రూ.90.18కు పెరిగింది.

మెట్రో నగరాల్లో ఇలా..

ముంబయిలో లీటర్​ పెట్రోల్​ ధర(Mumbai petrol Price Today) 23 పైసలు పెరిగి .. రూ.107.91కు చేరగా.. లీటర్​ డీజిల్​ ధర (Mumbai Diesel Price Today) 32 పైసలు పెరిగి రూ.97.81 వద్ద కొనసాగుతోంది.

కోల్​కతాలో లీటర్​ పెట్రోల్​పై(Kolkata petrol Price Today) 29 పైసలు పెరగడం వల్ల ధర రూ.102.44కి చేరింది . లీటర్​ డీజిల్​పై (Kolkata Today Diesel Price) 30 పైసలు పెరిగి.. రూ.93.23కు చేరింది.

చెన్నైలో లీటర్​ పెట్రోల్​ ధర(Chennai petrol Price Today) 21పైసలు పెరిగి రూ.99.55కు పెరిగింది. లీటర్​ డీజిల్​కు 29 పైసలు (Chennai Diesel Price Today) పెరిగి.. రూ.94.71 వద్ద కొనసాగుతోంది.

బెంగళూరులో పెట్రోల్​పై(Bengaluru petrol Price Today) 24 పైసలు పెరిగి.. లీటరు ధర రూ.105.39గా ఉంది. లీటర్​ డీజిల్​పై 32 పైసలు పెరిగి.. ధర రూ.95.66కు పెరిగింది.

తెలుగు రాష్ట్రాల్లో..

హైదరాబాద్​లో లీటర్​ పెట్రోల్ ధర(Petrol Price in Hyderabad)​ 25 పైసలు పెరిగి రూ.105.96 వద్ద కొనసాగుతోంది. లీటర్ డీజిల్​ ధర 33 పైసలు ఎగబాకి.. రూ.98.35కు పెరిగింది.

వైజాగ్​లో లీటర్ పెట్రోల్ ధర (Petrol Price in Vizag) 23 పైసలు పెరిగి రూ.106.89కు చేరింది. లీటర్​ డీజిల్​ ధర 32 పైసలు పెరిగి రూ.98.79 వద్ద ఉంది.

గుంటూరులో పెట్రోల్​పై 24 పైసలు పెరిగి.. లీటర్​ ధర (Petrol Price in Guntur) రూ.108.16కి పెరిగింది. డీజిల్​ లీటర్​కు 32 పైసలు పెరిగి.. రూ.100.02కు చేరింది.

ఇదీ చూడండి:భారీగా వెనకేసుకున్న అదానీ.. రోజుకు రూ. వెయ్యి కోట్ల సంపాదన