2020 జనవరి 26 నాటికి దేశంలో అత్యధిక హెచ్డీ ఛానళ్లను అందించే డీటీహెచ్ ఆపరేటర్గా టాటాస్కై నిలిచింది. రెండో స్థానంలో ఎయిర్టెల్ డిజిటల్ టీవీ ఉంది.
కేవలం నాలుగు మాత్రమే
ప్రస్తుతం దేశంలో కేవలం నాలుగు పే డీటీహెచ్ ఆపరేటర్లు మాత్రమే ఉన్నాయి. అవి టాటా స్కై, డిష్ టీవీ (డీ2హెచ్తో సహా), ఎయిర్టెల్ డిజిటల్ టీవీ, సన్ డైరెక్ట్.
హెచ్డీ ఛానల్స్ పరంగా
ట్రాయ్, సంబంధిత డీటీహెచ్ ఆపరేటర్ల వెబ్సైట్ నుంచి సేకరించిన డేటా ప్రకారం... 2020 జనవరి 26 నాటికి బ్రాడ్కాస్టర్స్ నుంచి లభించే 100 ఛానళ్లలో 91 హెచ్డీ ఛానెల్స్ను తన చందాదారులకు అందిస్తూ టాటా స్కై ప్రథమ స్థానంలో ఉంది. 86 హెచ్డీ ఛానళ్లతో ఎయిర్టెల్ డిజిటల్ టీవీ రెండోస్థానంలో ఉంది.
ఓవరాల్గా...
టాటా స్కై నెట్వర్క్లో మొత్తం ఎస్డీ, హెచ్డీ ఛానళ్లు 589 ఉండగా, ఎయిర్టెల్ డిజిటల్ టీవీ నెట్వర్క్లో 626 ఛానళ్లు ఉన్నాయి. ఎస్డీ+హెచ్డీ ఛానళ్ల పరంగా చూస్తే ఎయిర్టెల్ డిజిటల్ టీవీనే మొదటిస్థానంలో ఉంటుంది.
చివరి స్థానంలో డీ2హెచ్
సన్ డైరెక్ట్ 75 హెచ్డీ ఛానల్స్, డిష్ టీవీ 70 హెచ్డీ ఛానళ్లను అందిస్తున్నాయి. డిష్ టీవీలో భాగమైన డీ2హెచ్ కేవలం 64 హెచ్డీ ఛానళ్లను అందిస్తూ చివరి స్థానంలో నిలిచింది.
పోటాపోటీగా
టాటాస్కై, ఎయిర్టెల్ డిజిటల్ టీవీలు... తమ వినియోగదారులకు ప్రీమియం సేవలు అందించడానికి పోటీ పడుతున్నాయి. ఆఫర్లలో సెట్-టాప్ బాక్సులు, వారంటీ సేవలు, వివిధ ఛానళ్ల ప్యాక్లను అందిస్తున్నాయి.
టాటా స్కై ఆఫర్
టాటా స్కై ప్రస్తుతం తన హెచ్డీ సెట్-టాప్ బాక్స్పై పరిమిత కాల ఆఫర్ను నడుపుతోంది. దీనిలో భాగంగా నూతన చందాదారులకు కొత్త హెచ్డీ ఎస్టీబీని రూ.1,399కే అందిస్తోంది. మాములుగా దాని ధర రూ.1,499.
కానీ మీరు ఎక్కువ ఎస్డీ+హెచ్డీ ఛానల్స్ చూడాలనుకుంటే మాత్రం ఎయిర్టెల్ డిజిటల్ టీవీని ఎంచుకోవచ్చు. డిష్ టీవీ, డీ2హెచ్, సన్ డైరెక్టు కొంత మేర ఆఫర్లు ఇస్తున్నప్పటికీ... ప్రత్యేకమైన (ఎక్స్క్లూజివ్) ఛానల్స్ అందించడంలేదు.
ఇదీ చూడండి: రక్తం గడ్డకట్టించే చలిలో జవాన్ల గణతంత్ర వేడుకలు
