రూ.100 లక్షల కోట్లతో మౌలిక సదుపాయాల కల్పన

దేశంలో మౌలిక సదుపాయాల కల్పన కోసం కేంద్ర ప్రభుత్వం టాస్క్​ఫోర్స్ ఏర్పాటు చేసింది. ఇది రూ.100 లక్షల కోట్లతో చేపట్టాల్సిన పనులపై నివేదిక తయారుచేస్తుంది. 2019-20 ఆర్థిక సంవత్సర నివేదికను ఈ అక్టోబర్ 31లోగా తయారుచేస్తుంది. 2021-25 ఆర్థిక సంవత్సరాల్లో చేపట్టాల్సిన కార్యాచరణపై 2019 డిసెంబర్​ 31లోగా నివేదిక రూపొందించనుంది.

వచ్చే ఐదేళ్లలో దేశంలో రూ.100 లక్షల కోట్లతో మౌలిక సదుపాయాలు ఏర్పాటు చేయాలని కేంద్ర ప్రభుత్వం నిర్ణయించింది. ఇందుకోసం కేంద్ర ఆర్థిక వ్యవహారాల కార్యదర్శి (డీఈఏ) అథాను చక్రవర్తి ఛైర్మన్​గా ఓ ఇంటర్​ మినిస్ట్రియల్​ టాస్క్​ఫోర్స్​ను ఏర్పాటు చేసింది.

మౌలిక సదుపాయాల కల్పన కోసం టాస్క్​ఫోర్స్​

ఈ టాస్క్​ఫోర్స్​ 2019-20 ఆర్థిక సంవత్సరంలో చేపట్టాల్సిన కార్యాచరణపై 2019 అక్టోబర్​ 31లోగా నివేదిక అందించనుంది. అలాగే 2021-25 ఆర్థిక సంవత్సరాల్లో చేపట్టాల్సిన పనులపై నివేదికను డిసెంబర్​ 31లోపు అందించనుంది.

టాస్క్​ఫోర్స్​.. మార్గనిర్దేశం

100 లక్షల కోట్లతో..

జాతీయ మౌలిక సదుపాయాల కల్పనగా పేర్కొంటున్న ఈ ప్రణాళికలో గ్రీన్​ఫీల్డ్, బ్రౌన్​ఫీల్డ్ ప్రాజెక్టులకు రూ.100 కోట్లకు మించి ఖర్చు చేస్తారు.

టాస్క్​ఫోర్స్​... సాంకేతికంగా, ఆర్థికంగా సాధ్యమయ్యే మౌలిక సదుపాయాల ప్రాజెక్టులను 2019-20 ఆర్థిక సంవత్సరంలో ప్రారంభిస్తుంది. అలాగే వచ్చే ఐదేళ్లలో (2021-25 ఆర్థిక సంవత్సరాలు) చేపట్టాల్సిన ప్రాజెక్ట్​ల జాబితాను రూపొందిస్తుంది.

టాస్క్​ఫోర్స్​.. మార్గనిర్దేశం

ఐదుగురు సభ్యులు గల ఈ కార్యదళానికి ఛైర్మన్​గా అథాను చక్రవర్తి ఉంటారు. మిగతా సభ్యులుగా నీతి ఆయోగ్, ఆర్థికమంత్రిత్వ శాఖ సీనియర్ అధికారులు, పరిపాలనా శాఖ కార్యదర్శులు ఉంటారు.

ఈ ప్యానెల్​ వార్షిక మౌలిక సదుపాయాల పెట్టుబడి, మూలధన వ్యయాలను అంచనా వేస్తుంది. అలాగే ఆర్థిక వనరులను గుర్తించడంలో మంత్రిత్వశాఖలకు మార్గనిర్దేశం చేస్తుంది.

5 ట్రిలియన్ డాలర్ల ఆర్ధిక వ్యవస్థ కోసం..

2024-25 నాటికి భారతదేశాన్ని 5 ట్రిలియన్​ డాలర్ల ఆర్థికవ్యవస్థగా మార్చే ప్రక్రియలో భాగంగా ప్రభుత్వం మౌలిక సదుపాయాల అభివృద్ధికి శ్రీకారం చుట్టింది. అందుకే ఈ ఐదేళ్లలో రూ.100 లక్షల కోట్లు ఖర్చు చేయనుంది.

ఇదీ చూడండి: చంద్రయాన్​-2: ఆశలన్నీ ఆర్బిటర్​పైనే..!