ఆర్​బీఐ డిప్యూటీ గవర్నర్​గా రబి శంకర్

ఆర్​బీఐ డిప్యూటీ గవర్నర్​ పదవికి టీ రబి శంకర్​ను ఎంపిక చేస్తూ కేబినెట్ అపాయింట్స్​మెంట్ కమిటీ నిర్ణయం తీసుకుంది. దీనిపై కేంద్రం అధికారిక ప్రకటన విడుదల చేసింది. మూడేళ్ల పాటు ఆయన ఈ పదవిలో ఉంటారని తెలిపింది.

భారతీయ రిజర్వు బ్యాంక్(ఆర్​బీఐ) డిప్యూటీ గవర్నర్​గా టీ రబి శంకర్​ను నియమించాలన్న నిర్ణయాన్ని కేబినెట్ అపాయింట్స్​మెంట్ కమిటీ ఆమోదించింది. ప్రస్తుతం ఆర్​బీఐ ఎగ్జిక్యూటివ్ డైరెక్టర్​గా ఉన్న శంకర్​ను డిప్యూటీ గవర్నర్​గా నియమిస్తూ కేంద్రం ప్రకటన జారీ చేసింది. డిప్యూటీ గవర్నర్ హోదాలో టీ రబి శంకర్ మూడేళ్ల పాటు సేవలందిస్తారని కేంద్రం వెల్లడించింది.

రిజర్వు బ్యాంకుకు నలుగురు డిప్యూటీ గవర్నర్లు ఉంటారు. ప్రస్తుతమున్న వారిలో బీపీ కనుంగో ఈ పదవి నుంచి వైదొలగనున్న నేపథ్యంలో కేంద్రం.. రబి శంకర్​ను ఆయన స్థానంలో భర్తీ చేయనుంది.

ఇదీ చదవండి:11శాతం ఆక్సిజన్ ఉత్పత్తి రిలయన్స్‌ నుంచే!