ఎస్ బ్యాంకుపై ఉన్న మారటోరియాన్ని ఈనెల 18 (బుధవారం) సాయంత్రం 6 గంటలకు ఎత్తివేస్తున్నట్లు ప్రకటించారు రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్. ఖాతాదారుల డబ్బు సురక్షితమని, ఎలాంటి ఆందోళన చెందాల్సిన అవసరం లేదని భరోసా కల్పించారు.
ముంబయిలో నిర్వహించిన విలేకరుల సమావేశంలో కీలక విషయాలు వెల్లడించారు గవర్నర్.
" ఎస్ బ్యాంకుపై కేంద్రం, ఆర్బీఐ సరైన సమయంలో సత్వర చర్యలు తీసుకుంది. బ్యాంకు కొత్త బోర్డు ఈనెల 26న బాధ్యతలు తీసుకుంటుంది. ఖాతాదారుల డబ్బు పూర్తిగా భద్రం. ఎలాంటి ఆందోళన అక్కర్లేదు. బుధవారం సాయంత్రం నుంచి మామూలుగానే విత్డ్రా చేసుకోవచ్చు. భారత బ్యాంకింగ్ వ్యవస్థ చాలా భద్రంగా ఉంది. దేశంలో ప్రైవేటు బ్యాంకుల పాత్ర కీలకం."
- శక్తికాంత దాస్, ఆర్బీఐ గవర్నర్.