మారటోరియం కాలంలో చక్రవడ్డీ మాఫీ అమలులో జరుగుతున్న జాప్యంపై.. సుప్రీంకోర్టు అసంతృప్తి వ్యక్తం చేసింది. మరటోరియంపై జస్టిస్‌ అశోక్ భూషణ్‌ నేతృత్వంలోని ధర్మాసనం విచారణ చేపట్టింది. రూ.2 కోట్ల వరకు ఉన్న రుణాలపై చక్రవడ్డీ మాఫీ అమలుపై కేంద్రాన్ని ప్రశ్నించింది న్యాయస్థానం. మాఫీపై నిర్ణయం తీసుకున్నామని, ఇంకా అమలు చేయలేదని సోలిసిటరీ జనరల్ జీసీ మెహతా అత్యున్నత న్యాయస్థానానికి తెలిపారు.
ప్రభుత్వం నిర్ణయం తీసుకున్నాక అమలు చేయడంలో ఎందుకు జాప్యం జరుగుతోందని ధర్మాసనం ప్రశ్నించింది. దీనిపై స్పందించిన మెహతా.. రుణాలు ఇవ్వడంలో వైవిధ్యమైన పద్ధతులు ఉంటాయని.. ఫలితంగా బ్యాంకులతో సంప్రదింపులు జరిపినట్లు వివరించారు. అందువల్లే ఆలస్యం అయిందని పేర్కొన్నారు.