ఆర్​బీఐ అండతో 416 పాయింట్లు బలపడిన సెన్సెక్స్

15:49 April 27

సెన్సెక్స్ 416 పాయింట్లు ప్లస్​

స్టాక్ మార్కెట్లు నేడు లాభాలతో ముగిశాయి. సెన్సెక్స్ 416 పాయింట్లు పుంజుకుని చివరకు 31,743 వద్ద స్థిరపడింది. నిఫ్టీ 128 పాయింట్ల లాభంతో 9,282 వద్దకు చేరింది. 

మ్యూచువల్​ ఫండ్లకు ఆర్​బీఐ ప్రకటించిన రూ.50 వేల కోట్ల ప్యాకేజీతో ఆర్థిక రంగ షేర్లు నేడు దూసుకెళ్లాయి. వీటికి తోడు కేంద్రం నుంచి భారీ ఆర్థిక ప్యాకేజీ అందొచ్చన్న అంచనాలు నేటి లాభాలకు కారణమయ్యాయి.

ఇండస్​ఇండ్ బ్యాంక్ 6.33 శాతం, యాక్సిస్ బ్యాంక్ 5.74 శాతం, కోటక్​ బ్యాంక్​ 5.15 శాతం, ఐసీఐసీఐ బ్యాంక్ 3.85 శాతం బలపడ్డాయి.

ఎన్​టీపీసీ 1.13 శాతం, ఎం&ఎం 1.12 శాతం, హెచ్​డీఎఫ్​సీ బ్యాంక్ 0.83 శాతం నష్టాలను మూటగట్టుకున్నాయి.

14:08 April 27

సెన్సెక్స్ 30 షేర్లు

స్థిరంగా లాభాలు..

స్టాక్ మార్కెట్లు స్థిరంగా కొనసాగుతున్నాయి. సెన్సెక్స్ దాదాపు 540 పాయింట్ల లాభంతో 31,870 వద్ద ట్రేడవుతోంది. నిఫ్టీ 160 పాయింట్లకు పైగా పుంజుకుని 9,315 వద్ద కొనసాగుతోంది. బ్యాంకింగ్ రంగ షేర్లలో జోరు కొనసాగుతోంది. 

12:13 April 27

లాభాల పరంపర

మిడ్ సెషన్​లోనూ స్టాక్ మార్కెట్లలో లాభాల పరంపర కొనసాగుతోంది. సెన్సెక్స్ 610 పాయింట్లకుపైగా బలపడి 31,940 వద్ద ట్రేడవుతోంది. నిఫ్టీ 180 పాయింట్లకుపైగా వృద్ధితో 9,336 వద్ద ట్రేడింగ్ సాగిస్తోంది.

బ్యాంకింగ్ రంగ షేర్లు లాభాలకు దన్నుగా నిలుస్తున్నాయి.

కోటక్ మహీంద్రా బ్యాంక్, యాక్సిస్ బ్యాంక్, హెచ్​డీఎఫ్​సీ, బజాజ్ ఫినాన్స్, ఇండస్ఇండ్ బ్యాంక్, ఐసీఐసీఐ బ్యాంక్ షేర్లు ప్రధానంగా లాభాల్లో ఉన్నాయి.  

ఎన్​టీపీసీ, పవర్​గ్రిడ్ షేర్లు మాత్రమే 30 షేర్ల ఇండెక్స్​లో నష్టాల్లో ఉన్నాయి.

10:39 April 27

32 వేల మార్క్​కు సెన్సెక్స్...

స్టాక్ మార్కెట్లలో లాభాల జోరు కొనసాగుతోంది. సెన్సెక్స్ 720 పాయింట్లకుపైగా బలపడి ప్రస్తుతం 32,050 వద్ద ట్రేడవుతోంది. నిఫ్టీ దాదాపు 210 పాయింట్లు వృద్ధి చెంది 9,360 వద్ద కొనసాగుతోంది.  

మ్యూచువల్​ ఫండ్ల కోసం ఆర్​బీఐ.. రూ.50 వేల కోట్లతో ప్రత్యేక లిక్విడిటీ ప్యాకేజీ ప్రకటించిన నేపథ్యంలో మదుపరుల సెంటిమెంట్ బలపడి కొనుగోళ్లకు మొగ్గుచూపుతున్నారు.

ఏషియన్​ పెయింట్స్, ఎన్​టీపీసీ మినహా 30 షేర్ల ఇండెక్స్​లో మిగతా అన్ని కంపెనీలు లాభాల్లో ఉన్నాయి.

కోటక్ బ్యాంక్, యాక్సిస్ బ్యాంక్, ఇండస్​ఇండ్ బ్యాంక్, రిలయన్స్, ఐసీఐసీఐ బ్యాంక్ షేర్లు ప్రధానంగా లాభాల్లో ట్రేడవుతున్నాయి.

09:38 April 27

30 షేర్ల ఇండెక్స్

వాహన, ఫార్మా, బ్యాంకింగ్ రంగాల ఊతంతో స్టాక్ మార్కెట్లు లాభాల్లో ట్రేడవుతున్నాయి. సెన్సెక్స్ 590 పాయింట్లకు పైగా లాభంతో 31,920 వద్ద ట్రేడవుతోంది. నిఫ్టీ దాదాపు 175 పాయింట్ల వృద్దితో 9,330 వద్ద ట్రేడింగ్ సాగిస్తోంది.

09:18 April 27

సెన్సెక్స్ 580 పాయింట్లు ప్లస్

స్టాక్ మార్కెట్లు నేడు భారీ లాభాలతో ప్రారంభమయ్యాయి. సెన్సెక్స్ దాదాపు 580 పాయింట్ల వృద్ధితో ప్రస్తుతం 31,905 వద్ద ట్రేడవుతోంది. నిఫ్టీ 150 పాయింట్లకుపైగా లాభంతో 9,305 వద్ద కొనసాగుతోంది.

కరోనాతో కుదేలైన ఆర్థిక వ్యవస్థను గాడిన పెట్టేందుకు కేంద్రం త్వరలో భారీ ఆర్థిక ప్యాకేజీ ఇస్తుందనే ఆశల నేపథ్యంలో మదుపరులు కొనుగోళ్లకు మొగ్గుచూపుతున్నారు.

30 షేర్ల ఇండెక్స్​లో అన్ని కంపెనీలు లాభాల్లోనే ట్రేడవుతున్నాయి. ఇండస్​ఇండ్ బ్యాంక్, రిలయన్స్, మారుతీ, హెచ్​డీఎఫ్​సీ, టెక్​ మహీంద్రా, టీసీఎస్​షేర్లు లాభాల్లో ప్రధానంగా ఉన్నాయి.