15:41 July 09
భారీ లాభాలు..
స్టాక్ మార్కెట్లు భారీ లాభాలతో సెషన్ ముగించాయి. సెన్సెక్స్ 409 పాయింట్లు పుంజుకుని 36,738 వద్దకు చేరింది. నిఫ్టీ 108 పాయింట్ల లాభంతో 10,813 వద్ద స్థిరపడింది. ఆర్థిక షేర్ల అండ గురువారం లాభాలకు ప్రధాన కారణం.
13:31 July 09
కొనసాగుతున్నజోరు..
స్టాక్ మార్కెట్లు మిడ్ సెషన్ తర్వాత భారీ లాభాల దిశగా ట్రేడవుతున్నాయి. సెన్సెక్స్ 330 పాయింట్లకుపైగా లాభంతో 36,665 వద్ద ట్రేడవుతోంది. నిఫ్టీ 80 పాయింట్లకుపైగా వృద్ధితో 10,794 వద్ద కొనసాగుతోంది.
ఆసియాలో ఇతర ప్రధాన మార్కెట్లన్నీ కూడా లాభాల్లో ట్రేడవుతుండటం.. దేశీయ సూచీలకు కలిసొస్తున్నట్లు నిపుణులు చెబుతున్నారు.
11:38 July 09
36 వేల 550 మార్కు దాటిన సెన్సెక్స్...
స్టాక్ మార్కెట్లు మిడ్ సెషన్ ముందు మోస్తరు లాభాలతో స్థిరంగా కొనసాగుతున్నాయి. సెన్సెక్స్ 250 పాయింట్లకుపైగా వృద్ధితో 36,580 వద్ద ట్రేడవుతోంది. నిఫ్టీ 60 పాయింట్లకుపైగా లాభంతో 10,770 వద్ద కొనసాగుతోంది.
09:56 July 09
లాభాల జోరు..
స్టాక్ మార్కెట్లలో లాభాల జోరు కొనసాగుతోంది. సెన్సెక్స్ 220 పాయింట్లకుపైగా లాభంతో 36,549 వద్ద ట్రేడవుతోంది. నిఫ్టీ దాదాపు 60 పాయింట్లు పుంజుకుని 10,764 వద్ద ట్రేడింగ్ సాగిస్తోంది.
09:01 July 09
నష్టాల నుంచి తేరుకున్న సూచీలు
స్టాక్ మార్కెట్లు చివరి సెషన్ నష్టాల నుంచి తేరుకుని గురువారం లాభాలతో ప్రారంభమయ్యాయి. బీఎస్ఈ-సెన్సెక్స్ 180 పాయింట్లకు పైగా బలపడి 36,513 వద్ద ట్రేడవుతోంది. ఎన్ఎస్ఈ-నిఫ్టీ దాదాపు 50 పాయింట్ల వృద్ధితో 10,755 వద్ద కొనసాగుతోంది.