మార్కెట్లలో లాభాల జోరు.. సెన్సెక్స్ 511 ప్లస్

15:43 July 21

పవర్ గ్రిడ్ జోరు..

స్టాక్ మార్కెట్లు వారంలో రెండో రోజూ భారీ లాభాలతో ముగిశాయి. సెన్సెక్స్ 511 పాయింట్లు బలపడి 37,930 వద్ద స్థిరపడింది. నిఫ్టీ 140 పాయింట్ల లాభంతో 11,162 వద్దకు చేరింది. 

• అంతర్జాతీయ సానుకూలతలు మంగళవారం లాభాలకు ప్రధాన కారణం.
• పవర్​గ్రిడ్, మారుతీ, ఐసీఐసీఐ బ్యాంక్, హెచ్​డీఎఫ్​సీ, కోటక్ బ్యాంక్, యాక్సిస్ బ్యాంక్ షేర్లు లాభాలను నమోదు చేశాయి.
• బజాజ్ ఫినాన్స్, బజాజ్ ఫిన్​సర్వ్​, ఏషియన్ పెయింట్స్, భారతీ ఎయిర్​టెల్, సన్​ఫార్మా నష్టపోయాయి.

12:56 July 21

మార్కెట్ల దూకుడు..

మిడ్ సెషన్ తర్వాత స్టాక్ మార్కెట్లు దూకుడు పెంచాయి. సెన్సెక్స్ ఏకంగా 500 పాయింట్లకుపైగా బలపడి 37,920 వద్ద ట్రేడవుతోంది. నిఫ్టీ 140 పాయింట్లకుపైగా పుంజుకుని 11,163 వద్ద కొనసాగుతోంది.

• బ్యాంకింగ్ సహా హెవీ వెయిట్ షేర్లు లాభాలకు దన్నుగా నిలుస్తున్నాయి.
• హెచ్​డీఎఫ్​సీ, మారుతీ, పవర్​గ్రిడ్, ఐసీఐసీఐ బ్యాంక్, రిలయన్స్ షేర్లు ప్రధానంగా లాభాల్లో ఉన్నాయి.
• సన్​ఫార్మా, ఎయిర్​టెల్, బజాజ్ ఫిన్​సర్వ్, ఏషియన్ పెయింట్స్, ఇండస్​ఇండ్ బ్యాంక్ నష్టాల్లో ట్రేడింగ్ సాగిస్తున్నాయి.

11:34 July 21

లాభాల్లో స్థిరంగా సూచీలు..

మిడ్​ సెషన్ ముందు లాభాల్లో స్థిరంగా కొనసాగుతున్నాయి స్టాక్ మార్కెట్లు. సెన్సెక్స్ దాదాపు 430 పాయింట్ల వృద్ధితో 37,846 వద్ద ట్రేడవుతోంది. నిఫ్టీ 120 పాయింట్లకుపైగా లాభంతో 11,140 వద్ద కొనసాగుతోంది.

• మారుతీ, యాక్సిస్ బ్యాంక్, ఐసీఐసీఐ బ్యాంక్,హెచ్​డీఎఫ్​సీ, పవర్​ గ్రిడ్​ షేర్లు లాభాల్లో ఉన్నాయి.
• సన్​ ఫార్మా, టెక్ మహీంద్రా, బజాజ్ ఫిన్​సర్వ్, ఏషియన్ పెయింట్స్, హెచ్​యూఎల్ షేర్లు నష్టాల్లో ఉన్నాయి.

09:56 July 21

37,800 స్థాయి దాటిన సెన్సెక్స్..

అంతర్జాతీయంగా సానుకూల సంకేతాల నడుమ దేశీయ స్టాక్ మార్కెట్లు మంగళవారం భారీ లాభాల్లో దూసుకెళ్తున్నాయి. 

సెన్సెక్స్ 400 పాయింట్లకుపైగా లాభంతో 37,824 వద్ద కొనసాగుతోంది. సెన్సెక్స్ 4 నెలల తర్వాత ఈ స్థాయికి చేరింది. నిఫ్టీ దాదాపు 110 పాయింట్ల వృద్ధితో 11,129 వద్ద ట్రేడవుతోంది.

• మారుతీ, ఐసీఐసీఐ బ్యాంక్, యాక్సిస్ బ్యాంక్, రిలయన్స్, కోటక్ బ్యాంక్ షేర్లు లాభాల్లో ఉన్నాయి.
• హెచ్​యూఎల్, బజాజ్ ఫిన్​సర్వ్, ఐటీసీ, సన్​ఫార్మా, ఐటీసీ, టెక్​ మహీంద్రా నష్టాల్లో ఉన్నాయి.
• కరోనా వ్యాక్సిన్​పై ఆశలు పెరుగుతున్నందున చివరి సెషన్​లో అమెరికా మార్కెట్లు భారీగా పుంజుకున్నాయి. ముఖ్యంగా మైక్రోసాఫ్ట్, అమెజాన్, టెస్లా వంటి కంపెనీలు భారీ లాభాలను గడించాయి. ఈ సానుకూలతల నేపథ్యంలో దేశీయంగా మదుపరులు కొనుగోళ్లపై దృష్టి సారిస్తున్నట్లు విశ్లేషకులు అభిప్రాయపడుతున్నారు.
• ఆసియాలో ఇతర ప్రధాన స్టాక్ మార్కెట్లన్నీ కూడా లాభాల్లో ట్రేడవుతున్నాయి.
• ముడి చమురు ధరల సూచీ-బ్రెంట్ 0.18 శాతం పెరిగింది. అంతర్జాతీయ మార్కెట్​లో బ్యారెల్ ముడి చమురు ధర 43.36 డాలర్లుగా ఉంది.

09:09 July 21

లాభాల పరంపర..

మంగళవారం సెషన్​ను భారీ లాభాలతో ప్రారంభించాయి స్టాక్ మార్కెట్లు. బీఎస్​ఈ-సెన్సెక్స్ 440 పాయింట్లకుపైగా బలపడి 37,836 వద్ద ట్రేడవుతోంది. నిఫ్టీ 120 పాయింట్లకుపైగా లాభంతో 11,143 వద్ద కొనసాగుతోంది. 

• బ్యాంకింగ్, విద్యుత్, ఐటీ షేర్లు రాణిస్తుండటం లాభాలకు కారణంగా తెలుస్తోంది. దాదాపు అన్ని రంగాలు సానుకూలంగా స్పందిస్తున్నాయి.
• ఐసీఐసీఐ బ్యాంక్, అల్ట్రాటెక్ సిమెంట్, పవర్​గ్రిడ్, హెచ్​సీఎల్​టెక్, యాక్సిస్ బ్యాంక్ షేర్లు ప్రధానంగా లాభాల్లో ఉన్నాయి.
• ఎం&ఎం, బజాజ్​ ఫిన్​సర్వ్​లు మాత్రమే 30 షేర్ల ఇండెక్స్​లో నష్టాల్లో ఉన్నాయి.