మార్కెట్లను వీడని యుద్ధభయాలు.. సూచీలు కుదేలు

15:38 February 22

Stock Market Close

దేశీయ స్టాక్​ మార్కెట్​ సూచీలు వరుసగా ఐదో సెషన్​లో నష్టాల్లో ముగిశాయి. సెన్సెక్స్​ 383, నిఫ్టీ 114 పాయింట్లు కోల్పోయాయి. రష్యా- ఉక్రెయిన్​ ఉద్రిక్త పరిస్థితులు.. మార్కెట్లపై తీవ్ర ప్రభావాన్ని చూపిస్తున్నాయి.

12:21 February 22

ఉక్రెయిన్​-రష్యా మధ్య యుద్ధ మేఘాలు అలుముకున్న నేపథ్యంలో స్టాక్ మార్కెట్లు నష్టాల్లోనే కొనసాగుతున్నాయి. ఉదయం సెషన్​తో పోల్చితే నష్టాలు కాస్త తగ్గాయి. ప్రస్తుతం సెన్సెక్స్ 800 పాయింట్ల కోల్పోయి 56,883 వద్ద ఉంది. నిఫ్టీ 231 పాయింట్లు క్షీణించి 16,976 వద్ద కదలాడుతోంది.

ఓఎన్​జీసీ, బజాజ్​ ఆటో షేర్లు మాత్రమే స్వల్ప లాభాల్లో ఉన్నాయి. మిగతా అన్ని రంగాల షేర్లు నష్టాల్లో ట్రేడవుతున్నాయి.

09:13 February 22

భారీ నష్టాల్లో స్టాక్​ మార్కెట్లు

Stock markets live updates: స్టాక్ మార్కెట్లు మంగళవారం భారీ నష్టాలతో ప్రారంభమయ్యాయి. సెన్సెక్స్ 969 పాయింట్లు కోల్పోయి 56,713 పాయింట్లకు పడిపోయింది. నిఫ్టీ 274 పాయింట్లు కుప్పకూలి 16,932 వద్ద ట్రేడవుతోంది. అంతర్జాతీయంగా ప్రతికూల పరిస్థితులు, రష్యా- ఉక్రెయిన్​ మధ్య యుద్ధ వాతావరణం మార్కెట్లపై ప్రతికూల ప్రభావం చూపుతున్నాయి.

ఓఎన్​జీసీ మినహా దాదాపు అన్ని రంగాల షేర్లు నష్టాల బాటలోనే పయనిస్తున్నాయి.