స్టాక్ మార్కెట్లు మంగళవారం భారీ లాభాలతో ముగిశాయి. బీఎస్ఈ-సెన్సెక్స్ 506 పాయింట్లు బలపడి 44,655 వద్దకు చేరింది. ఎన్ఎస్ఈ- నిఫ్టీ 140 పాయింట్ల లాభంతో 13,109 వద్ద స్థిరపడింది.
కొవిడ్ వ్యాక్సిన్పై ఆశలు సహా.. దేశ ఆర్థిక వ్యవస్థ అంచనాలకన్నా వేగంగా పుంజుకుంటున్నట్లు వస్తున్న నివేదికలు మదుపరుల్లో ఉత్సాహం నింపాయి. నవంబర్లో జీఎస్టీ వసూళ్లు మళ్లీ రూ.లక్ష కోట్లు దాటడం కూడా లాభాలకు కలిసొచ్చినట్లు విశ్లేషకులు చెబుతున్నారు.
మంగళవారం సెషన్లో దాదాపు అన్ని రంగాలు సానుకూలంగా స్పందించాయి. ఫార్మా, బ్యాంకింగ్, ఐటీ షేర్లు ఎక్కువగా లాభాలను నమోదు చేశాయి.
ఇంట్రాడే సాగిందిలా..
సెన్సెక్స్ 44,731 పాయింట్ల అత్యధిక స్థాయి, 44,118 పాయింట్ల అత్యల్ప స్థాయిలను నమోదు చేసింది.
నిఫ్టీ 13,128 పాయింట్ల గరిష్ఠ స్థాయి, 12,962 పాయింట్ల కనిష్ఠ స్థాయిల మధ్య కదలాడింది.