చివర్లో అమ్మకాలు- సెన్సెక్స్​ 134 పాయింట్లు డౌన్

స్టాక్ మార్కెట్లు వారాంతంలో నష్టాలతో ముగిశాయి. సెన్సెక్స్ 134 పాయింట్లు కోల్పోయింది. నిఫ్టీ స్వల్పంగా 11 పాయింట్లు నష్టపోయినా.. 11,500 మార్క్​ను దక్కించుకుంది.

ఆరంభంలో లాభాలతో ఊరించిన స్టాక్ మార్కెట్లు.. చివరకు నష్టాలతో ముగిశాయి. శుక్రవారం సెషన్​లో బీఎస్ఈ-సెన్సెక్స్ 134 పాయింట్లు తగ్గి 39,845 వద్ద స్థిరపడింది. ఎన్​ఎస్​ఈ-నిఫ్టీ 11 పాయింట్ల స్వల్ప నష్టంతో 11,505 వద్ద నిలిచింది.

ఆసియా మార్కెట్ల సానుకూలతలతో వారాంతపు సెషన్​ ఆరంభంలో లాభాలను నమోదు చేశాయి స్టాక్ మార్కెట్లు. అయితే చివరి గంటలో మదుపరులు లాభాల స్వీకరణకు దిగటం నష్టాలకు కారణంగా తెలుస్తోంది.

నేటి మార్కెట్ల తీరు

ఇంట్రాడే సాగిందిలా

సెన్సెక్స్ 39,200 పాయింట్ల అత్యధిక స్థాయి, 38,635 పాయింట్ల అత్యల్ప స్థాయిలను నమోదు చేసింది.

నిఫ్టీ 11,584 పాయింట్ల గరిష్ఠ స్థాయి నుంచి 11,446 పాయింట్ల కనిష్ఠ స్థాయిల మధ్య కదలాడింది.

లాభనష్టాల్లోనివి ఇవే..

భారతీ ఎయిర్​టెల్, ఎం&ఎం, టెక్ మహీంద్రా, ఎన్​టీపీసీ, సన్​ఫార్మా, ఓఎన్​జీసీ షేర్లు లాభాలను గడించాయి.

హెచ్​డీఎఫ్​సీ బ్యాంక్, మారుతీ, బజాజ్ ఫిన్​సర్వ్, కోటక్ మహీంద్రా బ్యాంక్, టైటాన్ షేర్లు నష్టపోయాయి.

ఆసియా మార్కెట్లు

ఆసియాలో ఇతర ప్రధాన మార్కెట్లలో షాంఘై, టోక్యో, సియోల్, హాంకాంగ్​ సూచీలు శుక్రవారం లాభాలను గడించాయి.

రూపాయి, ముడి చమురు

కరెన్సీ మార్కెట్​లో రూపాయి శుక్రవారం 21 పైసలు పెరిగింది. ఫలితంగా డాలర్​తో పోలిస్తే రూపాయి మారకం విలువ రూ.73.45 వద్దకు చేరింది.

ముడి చమురు ధరల సూచీ-బ్రెంట్ భారీగా 0.51 శాతం పెరిగింది. అంతర్జాతీయ మార్కెట్​లో బ్యారెల్ ముడి చమురు ధర 43.52 డాలర్లుగా ఉంది.

ఇదీ చూడండి:గూగుల్​ ప్లేస్టోర్​ నుంచి పేటీఎం ఔట్​..​