సెంటిమెంట్లు దెబ్బతిన్నాయ్​.. మార్కెట్లు నష్టపోతున్నాయ్​

దేశీయ స్టాక్​మార్కెట్లు నష్టాలతో ప్రారంభమయ్యాయి. మందగమనం, పెరుగుతున్న ద్రవ్యోల్బణం, ఆర్​బీఐ కీలక వడ్డీరేట్లు తగ్గించే అవకాశం లేదన్న నిపుణుల విశ్లేషణలకు తోడు అంతర్జాతీయ ఒత్తిడి కూడా ఇందుకు కారణం.

ఆర్థిక మందగమనం, పెరుగుతున్న ద్రవ్యోల్బణం, ఆర్​బీఐ కీలక వడ్డీరేట్లు తగ్గించే అవకాశం లేదనే విశ్లేషణల నడుమ మదుపరుల సెంటిమెంటు దెబ్బతింది. ఫలితంగా దేశీయ స్టాక్​మార్కెట్లు నష్టాల్లో ప్రారంభమయ్యాయి.

బొంబాయి స్టాక్​ ఎక్స్ఛేంజి సూచీ సెన్సెక్స్​ 114 పాయింట్లు కోల్పోయి 41 వేల 837 పాయింట్ల వద్ద కొనసాగుతోంది. జాతీయ స్టాక్​ ఎక్స్ఛేంజి సూచీ నిఫ్టీ 40 పాయింట్లు నష్టపోయి 12 వేల 321 వద్ద ట్రేడవుతోంది.

లాభనష్టాల్లో

టెక్​ మహీంద్రా, హీరో మోటోకార్ప్​, హెచ్​సీఎల్ టెక్​, రిలయన్స్​, టైటాన్​ కంపెనీ, భారతీ ఇన్​ఫ్రాటెల్, గెయిల్​ రాణిస్తున్నాయి.

ఎస్​ బ్యాంకు, ఇండస్​ఇండ్ బ్యాంకు, విప్రో, టాటా స్టీల్, వేదాంత, ఆల్ట్రాటెక్ సిమెంట్​, యాక్సిస్ బ్యాంకు, ఎమ్​ అండ్ ఎమ్ నష్టాల్లో కొనసాగుతున్నాయి.

ఆసియా మార్కెట్లు

యూఎస్​-చైనా మొదటి దఫా వాణిజ్య ఒప్పందంలో డ్రాగన్ ఉత్పత్తులపై సుంకాలు తగ్గించే అంశమేదీ లేదని అమెరికా చేసిన ప్రకటన... ఆసియా మార్కెట్లపై తీవ్ర ప్రభావం చూపింది. ఫలితంగా నిక్కీ, కోస్పీ, హాంగ్​సెంగ్​, షాంగై కాంపోజిట్ నష్టాల్లో ట్రేడవుతున్నాయి.

రూపాయి విలువ

రూపాయి విలువ 8 పైసలు తగ్గింది. ప్రస్తుతం ఒక డాలరుకు రూ.70.96గా ఉంది.

ముడిచమురు ధర

అంతర్జాతీయ మార్కెట్​లో ముడిచమురు ధర 0.23 శాతం తగ్గింది. ప్రస్తుతం బ్యారెల్ ధర 64.34 డాలర్లుగా ఉంది.

ఇదీ చూడండి:'చైనాతో వాణిజ్య ఒప్పందంలో సుంకాల తగ్గింపు అంశమే లేదు'