అంతర్జాతీయ సానుకూలతలతో లాభాల్లో మార్కెట్లు

10:19 May 19

సోమవారం భారీ నష్టాలతో ముగిసిన దేశీయ స్టాక్​మార్కెట్లు నేడు పుంజుకున్నాయి. అంతర్జాతీయ సానుకూలతలు కలిసి వచ్చాయి.

బొంబాయి స్టాక్ ఎక్స్ఛేంజి సూచీ సెన్సెక్స్ 569 పాయింట్లు లాభపడి 30 వేల 598 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 165 పాయింట్లు వృద్ధి చెంది 8 వేల 988 వద్ద ట్రేడవుతోంది.

కొవిడ్​-19 వ్యాక్సిన్​ త్వరలోనే రాబోతుందనే ఆశలు మదుపరుల సెంటిమెంట్​ను పెంచిందని వ్యాపార వర్గాలు చెబుతున్నాయి. అమెరికాకు చెందిన మోడెర్నా అనే బయోటెక్నాలజీ సంస్థ తాము కనుగొన్న వ్యాక్సిన్ కరోనాను సమర్థవంతంగా ఎదుర్కొంటోందని ప్రకటించడమే ఇందుకు కారణమని వారు అభిప్రాయపడుతున్నారు. 

లాభనష్టాల్లో...

ఓఎన్​జీసీ, భారతీ ఎయిర్​టెల్​, హెచ్​డీఎఫ్​సీ, మారుతి సుజుకి, ఆటో బజాజ్​, కోటక్ బ్యాంకు, హీరో మోటోకార్ప్​, పవర్​గ్రిడ్​ రాణిస్తున్నాయి.

ఇండస్​ఇండ్​ బ్యాంక్​, ఎస్​బీఐ, ఏషియన్ పెయింట్స్, యాక్సిస్ బ్యాంకు, టీసీఎస్​, విప్రో నష్టాల్లో ట్రేడవుతున్నాయి.

ఆసియా మార్కెట్లు

షాంఘై, హాంగ్​కాంగ్, టోక్యో, సియోల్ మార్కెట్లు లాభాల్లో ట్రేడవుతున్నాయి. వాల్​స్ట్రీట్​ కూడా లాభాలతోనే ముగిసింది.  

ముడిచమురు

అంతర్జాతీయ మార్కెట్​లో ముడిచమురు ధర 0.32 శాతం తగ్గింది. ప్రస్తుతం బ్యారెల్ ధర 34.70 డాలర్లుగా ఉంది.

09:16 May 19

అంతర్జాతీయ సానుకూలతలతో లాభాల్లో మార్కెట్లు

సోమవారం భారీ నష్టాలతో ముగిసిన దేశీయ స్టాక్​మార్కెట్లు నేడు పుంజుకున్నాయి. అంతర్జాతీయ సానుకూలతలు దీనికి కలిసి వచ్చాయి.

బొంబాయి స్టాక్ ఎక్స్ఛేంజి సూచీ సెన్సెక్స్ 483 పాయింట్లు లాభపడి 30 వేల 512 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 141 పాయింట్లు వృద్ధిచెంది 8 వేల 964 వద్ద ట్రేడవుతోంది.

లాభనష్టాల్లో...

భారతీ ఇన్​ఫ్రాటెల్, ఓఎన్​జీసీ, హెచ్​డీఎఫ్​సీ, జీ ఎంటర్​టైన్​మెంట్​ రాణిస్తున్నాయి.

టీసీఎస్, విప్రో, సిప్లా, యూపీఎల్​, ఏషియన్ పెయింట్స్ నష్టాల్లో ట్రేడవుతున్నాయి.