15:53 June 17
సరిహద్దు భయాలు..
స్టాక్ మార్కెట్లుకు లాభాలు ఒక్క రోజు ముచ్చటగానే మిగిలాయి. మంగళవారం సానుకూలంగా ముగిసిన సూచీలు.. బుధవారం మళ్లీ నష్టాలను నమోదు చేశాయి.
సెన్సెక్స్ 97 పాయింట్ల నష్టంతో 33,508 వద్దకు చేరింది. జాతీయ స్టాక్ నిఫ్టీ 33 పాయింట్లు కోల్పోయి 9,981 వద్ద స్థిరపడింది.
భారత్-చైనా సరిహద్దు వివాదంతో ఏ క్షణం ఏం జరుగుతుందోనన్న భయాలతో మదుపరులు అప్రమత్తత పాటించడం నష్టాలకు ప్రధాన కారణం.
12:09 June 17
కోలుకుంటున్న మార్కెట్లు..
మిడ్ సెషన్లో కాస్త కోలుకుంటన్నాయి స్టాక్ మార్కెట్లు. సెన్సెక్స్ 40 పాయింట్లకుపైగా బలపడి 33,645 వద్ద ట్రేడవుతుంది. నిఫ్టీ ఫ్లాట్గా 9,916 వద్ద కొనసాగుతోంది.
09:40 June 17
ఊగిసలాట ధోరణి..
స్టాక్ మార్కెట్లు బుధవారం ఒడుదొడుకుల్లో ట్రేడింగ్ సాగిస్తున్నాయి. బొంబాయి స్టాక్ ఎక్స్చేంజి సూచీ-సెన్సెక్స్ 40 పాయింట్లకుపైగా క్షీణతతో.. 33,560 వద్ద ట్రేడవుతోంది. జాతీయ స్టాక్ ఎక్స్చేంజి సూచీ-నిఫ్టీ దాదాపు 10 పాయింట్లు కోల్పోయి 9,906 వద్ద ఫ్లాట్గా కొనసాగుతోంది. సెషన్ ఆరంభం నుంచే సూచీలు లాభనష్టాల మధ్య ఊగిసలాడుతున్నాయి.
