వెంటాడిన కరోనా భయం- మార్కెట్లకు నష్టం

ఇవాళ దేశీయ స్టాక్​మార్కెట్లు నష్టపోయాయి. కరోనా భయాలకు తోడు, కార్పొరేటు ఫలితాలు, దిల్లీ ఎన్నికల ఫలితాలు వెలువడనున్న నేపథ్యంలో మదుపరులు ఆచితూచి వ్యవహరించడమే ఇందుకు కారణం.

కరోనాతో ప్రపంచ ఆర్థిక వ్యవస్థపై తీవ్ర ప్రభావం తప్పదన్న అంచనాలు దేశీయ స్టాక్​ మార్కెట్లకు నష్టాలు మిగిల్చాయి. దీనికి తోడు కార్పొరేటు ఫలితాలు, దిల్లీ ఎన్నికల ఫలితాలు వెలువడనున్న నేపథ్యంలో పెట్టుబడిదారులు ఆచితూచి వ్యవహరించారు. ఫలితంగా వాహన, లోహ రంగాలు డీలా పడ్డాయి.

బొంబాయి స్టాక్ ఎక్స్ఛేంజి సూచీ సెన్సెక్స్ 132 పాయింట్లు కోల్పోయి 41 వేల 9 పాయింట్లు వద్ద ముగిసింది. జాతీయ స్టాక్​ ఎక్స్ఛేంజి సూచీ నిఫ్టీ 58 పాయింట్లు నష్టపోయి 12 వేల 40 వద్ద స్థిరపడింది.

లాభనష్టాల్లో

బజాజ్ ఫైనాన్స్, టీసీఎస్​, కోటక్ మహీంద్రా, ఏషియన్ పెయింట్స్, రిలయన్స్, హెచ్​డీఎఫ్​సీ, యూపీఎల్ రాణించాయి.

జీ ఎంటర్​టైన్​మెంట్, ఎమ్​ అండ్ ఎమ్​, టాటా స్టీల్, హీరో మోటోకార్ప్, పవర్​గ్రిడ్​, ఎన్​టీపీసీ, భారతీ ఇన్​ఫ్రాటెల్, ఓఎన్​జీసీ, టాట మోటార్స్, సన్​ఫార్మా షేర్లు పతనమయ్యాయి.

ఆసియా మార్కెట్లు

హాంకాంగ్​, టోక్సో, సియోల్ మార్కెట్లు నష్టపోగా, షాంగై కంపోజిట్ లాభాలతో ముగిసింది. ఐరోపా మార్కెట్లు నష్టాలతో ప్రారంభమయ్యాయి.

రూపాయి విలువ

రూపాయి విలువ 8 పైసలు పెరిగి, ఒక డాలరుకు రూ.71.35గా ఉంది.

ముడిచమురు ధర

అంతర్జాతీయ మార్కెట్​లో ముడిచమురు ధర 0.44 శాతం తగ్గింది. ప్రస్తుతం బ్యారెల్ ధర 54.23 డాలర్లుగా ఉంది

ఇదీ చూడండి: జనవరిలోనూ 'ఆటో' రివర్స్​ గేర్​- సేల్స్​ 6.2% డౌన్