పెట్రో ధరల పెంపుతో సతమతమవుతున్న వినియోగదారులకు కొంత ఉపశమనం లభించింది. కొన్నిరోజులుగా అడ్డూ అదుపూ లేకుండా పెరుగుతున్న ధరలను నియంత్రించేందుకు పెట్రోల్పై రూ.5, డీజిల్పై రూ.10 ఎక్సైజ్ సుంకాన్ని తగ్గిస్తూ కేంద్రం నిర్ణయంతీసుకుంది. ఈ తగ్గింపుతో సామాన్యులకు ఊరట లభిస్తుందని కేంద్ర ఆర్థిక శాఖ వెల్లడించింది. మరోవైపు కేంద్రం తీసుకున్న నిర్ణయంతో రాష్ట్రాలు కూడా పెట్రోల్, డీజిల్పై వ్యాట్ను తగ్గిస్తున్నాయి.
- ఉత్తర్ప్రదేశ్లో పెట్రోల్, డీజిల్పై వ్యాట్ను రూ.12 మేర తగ్గిస్తున్నట్లు ఆ రాష్ట్ర ముఖ్యమంత్రి కార్యాలయం ఓ ప్రకటనలో తెలిపింది.
- పెట్రోల్, డీజిల్పై రూ.7 చొప్పున వ్యాట్ను తగ్గిస్తున్నట్లు గోవా ముఖ్యమంత్రి ప్రమోద్‌ సావంత్‌ ట్విట్టర్‌ వేదికగా తెలిపారు. ఈ తగ్గింపుతో సామాన్యులకు ఊరట లభించడం సహా ద్రవ్యోల్బణం అదుపులో ఉంటుందని చెప్పారు.
- అసోం ముఖ్యమంత్రి హిమంత బిశ్వశర్మ కూడా పెట్రోల్, డీజిల్పై రూ.7 చొప్పున వ్యాట్ను తగ్గిస్తూ నిర్ణయం తీసుకున్నారు.
- త్రిపుర ముఖ్యమంత్రి బిప్లబ్‌ కుమార్‌ దేబ్‌ కూడా పెట్రోల్, డీజిల్పై రూ.7 చొప్పున వ్యాట్ను తగ్గిస్తున్నట్లు ప్రకటించారు.
- సిక్కిం ముఖ్యమంత్రి ప్రేమ్‌సింగ్‌ తమంగ్‌ కూడా పెట్రోల్, డీజిల్పై రూ.7 చొప్పున వ్యాట్ను తగ్గిస్తున్నట్లు తెలిపారు.
- మణిపుర్‌ ముఖ్యమంత్రి బీరెన్‌ సింగ్ కూడా రూ.7 చొప్పున వ్యాట్ను తగ్గిస్తున్నట్లు పేర్కొన్నారు.
- కేంద్రం విజ్ఞప్తితో కర్ణాటక ముఖ్యమంత్రి బసవరాజ్‌ బొమ్మై రూ.7 రూపాయల చొప్పున వ్యాట్ను తగ్గించారు.
- గుజరాత్లో పెట్రోల్, డీజిల్పై రూ.7 చొప్పున వ్యాట్ తగ్గిస్తున్నట్లు ఆ రాష్ట్ర ముఖ్యమంత్రి కార్యాలయం తెలిపింది.
- ఉత్తరాఖండ్లో పెట్రోల్పై వ్యాట్ను రూ.2 మేర తగ్గిస్తున్నట్లు ఆ రాష్ట్ర ముఖ్యమంత్రి పుష్కర్ సింగ్ ధామీ తెలిపారు.
- పెట్రోల్, డీజిల్ ధరలపై వ్యాట్ను తగ్గిస్తామని హిమాచల్ ప్రదేశ్ ప్రభుత్వం తెలిపింది. త్వరలోనే ఇందుకు సంబంధించిన నోటిఫికేషన్ను విడుదల చేస్తామని ఆ రాష్ట్ర ముఖ్యమంత్రి జై రామ్ ఠాకూర్ తెలిపారు.