ఫేస్బుక్, వాట్సాప్, ఇన్స్టాగ్రామ్ సేవలకు అంతరాయం కలగడంపై (Facebook Server Down) మార్క్ జుకర్బర్గ్ క్షమాపణ చెప్పారు. ప్రస్తుతం సేవలు పునరుద్ధరణ అయినట్లు తెలిపారు. ఫేస్బుక్, ఇన్స్టాగ్రామ్, వాట్సాప్, మెసెంజర్ ఆన్లైన్లోకి వచ్చినట్లు ఫేస్బుక్ పోస్ట్లో వెల్లడించారు.
వాట్సాప్ (Whatsapp not working) సైతం తన వినియోగదారులకు క్షమాపణ చెప్పింది. ప్రస్తుతం యాప్ సాధారణంగా పనిచేస్తోందని వెల్లడించింది. (Whatsapp down)
కోటి రిపోర్టులు
అంతర్జాల సమస్యలపై దృష్టిసారించే డౌన్డిటెక్టర్.. ఫేస్బుక్ అంతరాయంపై (Facebook Server Down) కీలక ప్రకటన చేసింది. ఫేస్బుక్ సమస్యపై ప్రపంచ వ్యాప్తంగా ఏకంగా కోటికి పైగా రిపోర్టులు తమ దృష్టికి వచ్చినట్లు తెలిపింది. అమెరికా, జర్మనీ, నెదర్లాండ్ దేశాల్లో ఎక్కువ ప్రభావం కనిపించిందని చెప్పింది. ఫేస్బుక్ సేవల్లో ఏర్పడిన సుదీర్ఘ అంతరాయం (Facebook Down) ఇదేనని వెల్లడించింది.