మార్కెట్లకు భారీ లాభాలు- హెచ్​డీఎఫ్​సీ దూకుడు

15:45 October 06

39,600లకు చేరువలో సెన్సెక్స్..

అంతర్జాతీయ సానుకూలతలతో వరుసగా నాలుగో రోజూ స్టాక్ మార్కెట్లు లాభాలతో ముగిశాయి. సెన్సెక్స్ 601 పాయింట్లు పుంజుకుని.. 39,574 వద్దకు చేరింది. నిఫ్టీ 159 పాయింట్ల లాభంతో 11,662 వద్ద స్థిరపడింది.

హెచ్​డీఎఫ్​సీ అత్యధికంగా 7 శాతానికిపైగా లాభపడింది. ఎం&ఎం, ఇండస్​ఇండ్ బ్యాంక్, ఏషియన్ పెయింట్స్, బజాజ్ ఆటో, హెచ్​డీఎఫ్​సీ బ్యాంక్ షేర్లు ప్రధానంగా లాభాల్లో ఉన్నాయి.

టాటా స్టీల్, నెస్లే, ఎల్​&టీ, సన్​ ఫార్మా షేర్లు నష్టపోయాయి.

13:03 October 06

సెన్సెక్స్ 310+

మిడ్​ సెషన్ తర్వాత కూడా స్టాక్ మార్కెట్లు లాభాల్లో స్థిరంగా కొనసాగుతున్నాయి. సెన్సెక్స్ 310 పాయింట్లకుపైగా పెరిగి 39,286 వద్ద ట్రేడవుతోంది. నిఫ్టీ 80 పాయింట్లకుపైగా లాభంతో 11,587 వద్ద కొనసాగుతోంది.

• ఆర్థిక, ఆటో, ఎఫ్ఎంసీజీ షేర్లు సానుకూలంగా స్పందిస్తున్నాయి. సోమవారం భారీగా లాభపడిన ఐటీ షేర్లు మంగళవారం కాస్త డీలా పడ్డాయి.
• హెచ్​డీఎఫ్​సీ, ఎం&ఎం, ఏషియన్​ పెయింట్స్, ఇండస్​ఇండ్ బ్యాంక్, హెచ్​డీఎఫ్​సీ బ్యాంక్ షేర్లు లాభాల్లో ఉన్నాయి.
• టీసీఎస్​, టాటా స్టీల్, నెస్లే, ఇన్ఫోసిస్, ఎన్​టీపీసీ, టెక్​ మహీంద్రా షేర్లు నష్టాల్లో ట్రేడవుతున్నాయి.

09:32 October 06

39,300 చేరువలో సెన్సెక్స్..

స్టాక్ మార్కెట్లలో నాలుగో రోజూ లాభాల పరంపర కొనసాగుతోంది. ఆటో, ఆర్థిక షేర్లు లాభాలకు దన్నుగా నిలుస్తున్నాయి. అంతర్జాతీయ సానుకూలతలూ లాభాలకు ఊతమందిస్తున్నాయి.

సెన్సెక్స్ 300 పాయింట్లకుపైగా లాభంతో 39,280 వద్ద ట్రేడవుతోంది. నిఫ్టీ 80 పాయింట్లకుపైగా పెరిగి 11,587 వద్ద కొనసాగుతోంది.

• హెచ్​డీఎఫ్​సీ, ఏషియన్ పెయింట్స్​, ఎం&ఎం, మారుతీ, ఇండస్​ ఇండ్​​ బ్యాంక్ షేర్లు లాభాల్లో ఉన్నాయి.
• సోమవారం సెషన్​లో రికార్డు స్థాయి లాభాలు నమోదు చేసిన టీసీఎస్ మంగళవారం స్వల్ప ఒడుదొడుకులు ఎదుర్కొంటోంది. ఇన్ఫోసిస్​, ఎన్​టీపీసీ, సన్​ఫార్మా, టాటా స్టీల్ నష్టాల్లో కొనసాగుతున్నాయి.