అమెరికా-చైనా ఒప్పందంపై ఉత్కంఠ- స్తబ్దుగా సూచీలు

స్టాక్​ మార్కెట్లు ఫ్లాట్​గా ప్రారంభమయ్యాయి. సెన్సెక్స్​ 6 పాయింట్లు పెరిగి 40వేల 644కి చేరింది. 12 పాయింట్ల నష్టంతో నిఫ్టీ 11వేల 986 వద్ద ట్రేడ్ అవుతోంది. అమెరికా-చైనా వాణిజ్య ఒప్పందంపై అనుమానాలు మార్కెట్లపై ప్రభావం చూపుతున్నాయి.

అమెరికా-చైనా వాణిజ్య ఒప్పందంపై పెట్టుబడిదారుల్లో ఉత్కంఠ నడుమ స్టాక్ మార్కెట్లు గురువారం స్తబ్దుగా ప్రారంభమయ్యాయి. 6 పాయింట్ల స్వల్ప వృద్ధితో సెన్సెక్స్ 40వేల 644 వద్ద ట్రేడ్ అవుతోంది. 12 పాయింట్ల నష్టంతో నిఫ్టీ 11వేల 986కి పడిపోయింది.

భారతీ ఎయిర్​టెల్, యాక్సిక్​ బ్యాంక్ షేర్లు ఒక శాతానికిపైగా..., ఎస్​ బ్యాంక్, రిలయన్స్​ షేర్లు 0.5శాతానికిపైగా నష్టపోయాయి.

ఎల్ అండ్​ టీ షేర్లు 2 శాతానికి పైగా, ఇండస్ఇండ్, హెచ్​సీఎల్​, ఎస్బీఐ షేర్లు ఒక శాతానికి పైగా లాభపడ్డాయి.

ఇదీ చూడండి: ప్రభుత్వ సంస్థల ప్రైవేటీకరణకు కేబినెట్ ఆమోదం