భారీ నష్టాల్లో ముగిసిన మార్కెట్లు.. ఆర్థిక షేర్లు కుదేలు

15:47 June 24

ఆరంభం అలా.. ముగింపు ఇలా

స్టాక్ మార్కెట్లు భారీ నష్టాలతో ముగిశాయి. ఆరంభంలో కాస్త సానుకూలంగా స్పందించినా.. మిడ్​ సెషన్​కు ముందు నుంచి నమోదైన లాభాల స్వీకరణతో నష్టాల్లోకి జారుకున్నాయి సూచీలు. చివరకు సెన్సెక్స్ 561 పాయింట్ల భారీ నష్టంతో 34,868 వద్ద స్థిరపడిది. నిఫ్టీ 166 పాయింట్లు కోల్పోయి 10,305 వద్దకు చేరింది.

ఏషియన్ పెయింట్స్, ఐటీసీ, నెస్లే, టెక్ మహీంద్రా, రిలయన్స్, టీసీఎస్​ షేర్లు లాభాలను ఆర్జించాయి.

ఇండస్​ఇండ్ బ్యాంక్, ఐసీఐసీఐ బ్యాంక్, పవర్​గ్రిడ్, బజాజ్ ఫినాన్స్, ఎస్​బీఐ షేర్లు నష్టాల్లో ముగిశాయి.

13:53 June 24

భారీ నష్టాల దిశగా సూచీలు..

స్టాక్ మార్కెట్లు భారీ నష్టాల దిశగా పయణిస్తున్నాయి. సెన్సెక్స్ దాదాపు 240 పాయింట్లకుపైగా నష్టపోయి 35,212 వద్ద ట్రేడవుతోంది. నిఫ్టీ 80 పాయింట్లకుపైగా నష్టంతో 10,385 వద్ద ట్రేడవుతోంది. 

• ఆర్థిక రంగ షేర్లలో అమ్మకాల ఒత్తిడి నష్టాలకు ప్రధాన కారణంగా తెలుస్తోంది.
• ఏషియన్ పెయింట్స్, ఐటీసీ, నెస్లే, రిలయన్స్, టెక్ మహీంద్రా, టీసీఎస్​ షేర్లు లాభాల్లో ఉన్నాయి.
• ఇండస్​ఇండ్ బ్యాంక్, పవర్​గ్రిడ్​, ఐసీఐసీఐ బ్యాంక్, అల్ట్రాటెక్ సిమెంట్​లు నష్టాల్లో ఉన్నాయి.

11:03 June 24

లాభాల స్వీకరణ...

స్టాక్ మార్కెట్ల జోరుకు బ్రేక్​ పడింది. మదుపరులు లాభాల స్వీకరణకు మొగ్గుచూపడం వల్ల మిడ్​ సెషన్​ ముందు ఒడుదొడుకుల్లోకి జారుకున్నాయి సూచీలు.

సెన్సెక్స్​ దాదాపు 30 పాయింట్లు కోల్పోయి 35,402 వద్ద ట్రేడవుతోంది. నిఫ్టీ 10 పాయింట్ల నష్టంతో 10,460 వద్ద కొనసాగుతోంది.

• హెవీ వెయిట్ షేర్లలో ఎక్కువగా లాభాల స్వీకరణ ప్రభావం కనిపిస్తోంది.
• ఏషియన్ పెయింట్స్, ఐటీసీ, టైటాన్, టీసీఎస్​, బజాజ్ ఆటో షేర్లు లాభాల్లో ఉన్నాయి.
• పవర్​గ్రిడ్, ఇండస్ఇండ్​ బ్యాంక్, యాక్సిస్ బ్యాంక్, ఐసీఐసీఐ బ్యాంక్, భారతీ ఎయిర్​టెల్, బజాజ్ ఫిన్​సర్వ్ షేర్లు నష్టాల్లో ఉన్నాయి.

09:43 June 24

లాభాల పరంపర..

స్టాక్ మార్కెట్లలో లాభాల పరంపర కొనసాగుతోంది. బుధవారం సెషన్​లో బొంబాయి స్టాక్​ ఎక్స్చేంజి సూచీ-సెన్సెక్స్​ 170 పాయింట్లకుపైగా పుంజుకుని 35,605 వద్ద ట్రేడవుతోంది. జాతీయ స్టాక్​ ఎక్స్చేంజి సూచీ నిఫ్టీ దాదాపు 60 పాయింట్ల వృద్ధితో 10,528 వద్ద కొనసాగుతోంది.

ఏషియన్​ పెయింట్స్, ఐటీసీ, బజాజ్ ఆటో, టైటాన్​, రిలయన్స్, బజాజ్​ ఫినాన్స్ షేర్లు ప్రధానంగా లాభాల్లో ఉన్నాయి.

పవగ్రిడ్​, హెచ్​సీఎల్​టెక్,  ఇండస్​ఇండ్ బ్యాంక్, ఐసీఐసీఐ బ్యాంక్, ఓఎన్​జీసీ, ఇన్ఫోసిస్ షేర్లు నష్టాల్లో ట్రేడవుతున్నాయి.

భారత్​-చైనా మధ్య వివాదం సద్దుమణిగినట్లు వస్తున్న వార్తలకు తోడు అంతర్జాతీయ సానుకూలతలు లాభాలకు దన్నుగా నిలుస్తున్నాయి.

ఆసియాలో ఇతర ప్రధాన మార్కెట్లు అయిన షాంఘై, సియోల్ సూచీలు లాభాల్లో ఉన్నాయి. హాంకాంగ్, టోక్యో సూచీలు నష్టాలతో ట్రేడవుతున్నాయి.

ముడిచమురు ధరల సూచీ-బ్రెంట్ 0.52 శాతం తగ్గింది. అంతర్జాతీయ మార్కెట్​లో బ్యారెల్ ముడి చమురు ధర 42.41 డాలర్ల వద్ద ఉంది.