విదేశీ మదుపర్ల రివర్స్ గేర్​- ఒడుదొడుకుల్లో స్టాక్​మార్కెట్లు

దేశీయ స్టాక్​మార్కెట్లు ఒడుదొడుకుల్లో కొనసాగుతున్నాయి. ఆర్థిక, బ్యాంకింగ్ రంగాల్లో నష్టాలు, విదేశీ పెట్టుబడుల ఉపసంహరణల ప్రభావమే ఇందుకు కారణం.

ఆర్థిక, బ్యాంకింగ్ రంగాల నష్టాలు, విదేశీ పెట్టుబడుల ఉపసంహరణల ప్రభావంతో..ఇవాళ దేశీయ స్టాక్​మార్కెట్లు ఒడుదొడుకులను ఎదుర్కొంటున్నాయి.

నవంబర్ టోకు ధరల ద్రవ్యోల్బణం, అక్టోబర్ నెల పారిశ్రామికోత్పత్తి గణాంకాలు ఈ వారం వెలువడనున్న దృష్ట్యా మదుపరులు ఆచితూచి వ్యవహరిస్తున్నారు. వొడాఫోన్​-ఐడియాకు ఇచ్చిన రుణాలు నిరర్థక ఆస్తులుగా మారొచ్చన్న అంచనాలు కూడా మార్కెట్​పై ప్రతికూల ప్రభావాన్ని చూపిస్తున్నాయి.

బొంబాయి స్టాక్ ఎక్స్ఛేంజి సూచీ సెన్సెక్స్​ 15 పాయింట్లు లాభపడి 40 వేల 460 వద్ద కొనసాగుతోంది. జాతీయ స్టాక్​ఎక్స్ఛేంజి సూచీ నిఫ్టీ 5 పాయింట్లు వృద్ధిచెంది 11 వేల 925 వద్ద ట్రేడవుతోంది.

లాభనష్టాల్లో

మారుతీ సుజుకి, జీ ఎంటర్​టైన్మెంట్​, వేదాంత, టాటా స్టీల్, హిందాల్కో, హెచ్​డీఎఫ్​సీ, టాటా మోటార్స్, సన్​ఫార్మా రాణిస్తున్నాయి.

బజాజ్ ఫైనాన్స్, హెచ్​యూఎల్​, ఐటీసీ, టీసీఎస్​, యాక్సిస్​ బ్యాంకు, భారతీ ఇన్​ఫ్రాటెల్, ఎస్​ బ్యాంకు, ఎస్​బీఐ, గెయిల్, సిప్లా, కోటక్​ మహీంద్రా, టెక్​ మహీంద్రా నష్టాల్లో ట్రేడవుతున్నాయి.

ఆసియా మార్కెట్లు

క్రమంగా చైనా ఎగుమతులు క్షీణిస్తున్నా... అమెరికాలో భారీ ఎత్తున (2,66,000 ఉద్యోగాలు) ఉద్యోగ కల్పన ఆసియా మార్కెట్లకు ఉత్సాహాన్ని ఇచ్చింది. ఫలితంగా ఆసియా మార్కెట్లు నిక్కీ, హాంగ్​సెంగ్​, కోస్పీ రాణిస్తున్నాయి. షాంగై కాంపోజిట్ మాత్రం నష్టాల్లో ట్రేడవుతోంది.

రూపాయి విలువ

రూపాయి విలువ 10 పైసలు పెరిగి, డాలరుకు రూ.71.10గా ఉంది.

ముడిచమురు

అంతర్జాతీయ మార్కెట్​లో ముడిచమురు ధర 0.33 శాతం తగ్గింది. ప్రస్తుతం బ్యారెల్ ముడిచమురుగా 64.18 డాలర్లుగా ఉంది.

ఇదీ చూడండి:కూరగాయలే తారాజువ్వలు...ప్రభుత్వాల నిష్క్రియాపరత్వం