దక్షిణ కొరియాకు చెందిన ఎలక్ట్రానిక్ పరికరాల తయారీ దిగ్గజం శామ్సంగ్.. 5జీ సాంకేతికతతో సరికొత్త ఫోన్ను ఆవిష్కరించింది. గెలాక్సీ సిరీస్కు చెందిన 'శామ్సంగ్ గెలాక్సీ ఏ90'ను మార్కెట్లోకి విడుదల చేసింది. క్వాల్కామ్ స్నాప్డ్రాగన్ 855 ప్రాసెసర్తో పాటు 5జీ టెక్నాలజీకి అనువుగా స్నాప్డ్రాగన్ ఎక్స్50 5జీ మోడెమ్ను ఈ ఫోన్లో అనుసంధానం చేశారు.
సోనీ ఐఎమ్ఎక్స్586 సెన్సార్తో పనిచేసే అత్యాధునిక కెమెరాలు వినియోగదారులను ఆకట్టుకోనున్నాయి. గెలాక్సీ ఏ90లో 48 మెగా పిక్సెల్తో మూడు వెనుక కెమెరాలుంటాయి. అందమైన సెల్ఫీలకు అనువుగా 32 మెగా పిక్సెల్తో ముందు కెమెరా ఉంటుంది. 4500 ఎంఏహెచ్ సామర్థ్యమున్న ఈ మొబైల్ బ్యాటరీని టైప్-సీ పోర్టుతో చాలా త్వరగా ఛార్జ్ చేసుకోవచ్చు. ఫోన్ ధర మాత్రం ఇప్పటికీ అధికారికంగా ప్రకటించలేదు అధికారులు. 5జీ సేవలు లేకుండానే ఈ మొబైల్ ధర రూ.45 వేలు ఉండనున్నట్లు సమాచారం.
నలుపు, తెలుపు రంగుల గెలాక్సీ ఏ90 మొబైల్ ఫోన్లు ప్రస్తుతం దక్షిణ కొరియా వినియోగదారులకు అందుబాటులో ఉన్నాయి. రెండింటిలోనూ వెనుక భాగంలో ప్రత్యేక డిజైన్ ఉంటుంది. 6జీబీ, 8 జీబీ ర్యామ్లతో అందుబాటులో ఉండే ఈ ఫోన్లో 128 జీబీ ఇంటర్నల్ స్టోరేజ్ ఉంటుంది. 6జీబీ ర్యామ్ ఫోన్లో మైక్రో ఎస్డీ కార్డు వేసుకోవచ్చు.
ఈ 5జీ సేవల ఫోన్లు భారత మార్కెట్లోకి వచ్చేందుకు మరింత సమయం పట్టనున్నట్లు శామ్సంగ్ సీఈఓ డీజే కోహ్ తెలిపారు.
శామ్సంగ్ గెలాక్సీ ఏ90 ఫీచర్స్
- తెర : 6.7 అంగుళాల ఫుల్ హెచ్డీ+ సూపర్ అమోలెడ్
- ప్రాసెసర్ : క్వాల్కామ్ స్నాప్డ్రాగన్ 855
- వెనుక కెమెరాలు : 48 ఎంపీ, 8 ఎంపీ, 5 ఎంపీ
- ముందు కెమెరా : 32 ఎంపీ
- ర్యామ్ : 6 జీబీ, 8 జీబీ
- స్టోరేజ్ : 128 జీబీ
- బ్యాటరీ సామర్థ్యం : 4500 ఎంఏహెచ్
- ఇతర ఫీచర్స్ : ఫింగర్ ప్రింట్ సెన్సార్, ఫేస్ అన్లాక్, బ్లూటూత్ 5.0, వైఫై 802.11, టైప్ -సీ క్విక్, ఛార్జింగ్ పోర్ట్
ఇదీ చూడండి : యూట్యూబ్లో మాతృభాషకే వీక్షకుల జై!
