మొబైల్ ప్రేమికులు ఆసక్తిగా ఎదురుచూస్తున్న గెలాక్సీ మడత ఫోన్లను నేడు మార్కెట్లోకి విడుదల చేస్తోంది మొబైల్ దిగ్గజం శాంసంగ్. దక్షిణ కొరియాలో నేటి నుంచి ఎంపిక చేసిన మార్కెట్లలో ఈ ఫోన్ అందుబాటులో ఉంటుందని శాంసంగ్ తెలిపింది.
ఏప్రిల్ 26నే ఈ ఫోన్ను విడుదల చేయాలని భావించినా టెస్టింగ్ దశలో డిస్ప్లేపై భారీ సంఖ్యలో ఫిర్యాదులు వచ్చాయి. ఈ కారణంగా విడుదలను వాయిదా వేసింది. ఫోన్ మడత పెట్టేందుకు సహకరించే కీలు భాగాలకు ఇరువైపులా (పైనా, కింద) అదనపు రక్షణ కవచాలను ఏర్పాటు చేసినట్లు తెలిపింది. ఈ ఫోల్డబుల్ ఫోన్ యూజర్లకు ప్రత్యేక అనుభూతి ఇస్తుందని శాంసంగ్ చెబుతోంది.
నేడు మార్కెట్లలోకి శాంసంగ్ మడత ఫోన్లు