రిలయన్స్ ఉద్యోగులకు మే 1 నుంచి ఉచిత టీకా

రిలయన్స్ ఉద్యోగులకు కరోనా టీకా ఉచితంగా పంపిణీ చేయనున్నట్లు కంపెనీ ప్రకటించింది. ఉద్యోగితో పాటు.. భాగస్వామి, తల్లిదండ్రులు, పిల్లల టీకాలకయ్యే పూర్తి ఖర్చును కంపెనీ భరిస్తుందని రిలయన్స్ ఇండస్ట్రీస్ ప్రకటన విడుదల చేసింది.

రిలయన్స్ ఇండస్ట్రీస్​ ఉద్యోగులందరికీ కరోనా టీకా పంపిణీ చేయనున్నట్లు సంస్థ ప్రకటించింది. ఈ మేరకు మే 1 నుంచి 18 ఏళ్లు నిండిన రిలయన్స్ ఉద్యోగులకు, వారి కుటుంబ సభ్యులందరికీ టీకా అందించనున్నట్లు ప్రకటించింది. ఈ వ్యాక్సిన్​ కార్యక్రమాన్ని 'ఆర్-సురక్షా'గా పిలుస్తోంది రిలయన్స్​.

రిలయన్స్ ఉద్యోగులకు అంబానీ దంపతులు రాసిన లేఖ

అర్హత కలిగిన సభ్యులందరికీ టీకా ఖర్చును కంపెనీ భరిస్తుందని రిలయన్స్ అధినేత ముకేశ్​ అంబానీ, రిలయన్స్ ఫౌండేషన్ ఛైర్‌పర్సన్ నీతా అంబానీ ఆర్‌ఐఎల్ ఉద్యోగులకు రాసిన లేఖలో స్పష్టం చేశారు.

''భారత ప్రభుత్వం నూతన మార్గదర్శకాలకు అనుగుణంగా.. 18 సంవత్సరాలు పైబడిన రిలయన్స్ ఉద్యోగులకు సొంత టీకా కార్యక్రమం ఆర్-సురక్షాను ప్రకటించినందుకు సంతోషిస్తున్నాం. ఇది మే 1 నుంచి అమల్లోకి వస్తుంది.''

-రిలయన్స్ ఉద్యోగులకు లేఖ

ఇదీ చదవండి:రిలయన్స్ ఉద్యోగులకు కరోనా టీకా ఫ్రీ!