దేశంలో అత్యంత విలువైన కంపెనీగా మరోసారి రిలయన్స్ ఇండస్ట్రీస్ నిలిచింది. టాటా కన్సల్టెన్సీ సర్వీసెస్(టీసీఎస్)ను అధిగమించి.. అతిపెద్ద లిస్టెడ్ కంపెనీగా అవతరించింది.
రిలయన్స్ మార్కెట్ క్యాపిటల్(ఎం-క్యాప్) రూ. 11,68,454.02 కోట్లుగా ఉంది. టీసీఎస్ ఎం-క్యాప్ రూ.11,68,079.84 కోట్లుగా ఉంది. ఇది రిలయన్స్ కంటే దాదాపు రూ.375 కోట్లు తక్కువ.
ఈ సోమవారమే.. టీసీఎస్ దేశీయ అతిపెద్ద లిస్టెడ్ కంపెనీగా రెండోసారి అవతరించింది. అయితే.. శుక్రవారం(జనవరి 29) ట్రేడింగ్లో ఈ సంస్థ షేర్లు 2.71 శాతం క్షీణించిన కారణంగా ఎం-క్యాప్ తగ్గి రెండో స్థానానికి పడిపోయింది.
రిలయన్స్ ఇండస్ట్రీస్ షేరు కూడా.. శుక్రవారం సెషన్లో 1.78 శాతం పతనమైంది.
ఇదీ చూడండి: ప్రపంచంలోనే అత్యంత విలువైన ఐటీ సంస్థ టీసీఎస్