వినియోగదారుల కోసం రిలయన్స్.. డిజిటల్ ఇండియా సేల్స్ పేరుతో అదిరిపోయే ఆఫర్లు ప్రకటించింది. ఈనెల 16 వరకు ఎలక్ట్రానిక్స్ సహా పలు వస్తువులపై డిస్కౌంట్లను అందించనున్నట్లు తెలిపింది. టీవీలు, గృహోపకరణాలు, మొబైల్ ఫోన్స్, ల్యాప్టాప్స్ సహా ఆన్లైన్లో కొనుగోలు చేసే పలు వస్తువులపైన ఈ ఆఫర్లు వర్తిస్తాయి.
రిలయన్స్ డిజిటల్, మై జియో స్టోర్లు సహా అధికారిక వెబ్సైట్లో ఈ సేల్స్ అందుబాటులో ఉంటాయని సంస్థ వెల్లడించింది. హెచ్డీఎఫ్సీ బ్యాంక్ కార్డులు సహా ఈఎంఐ లావాదేవీలపై కస్టమర్లు 10 శాతం ఇన్స్టాంట్ డిస్కౌంట్ (రూ.3000 వరకు) పొందవచ్చని తెలిపింది. పేటీఎం ద్వారా రూ.9,999 లేదా అంతకన్నా ఎక్కువ మొత్తంలో వస్తువులను కొనుగోలు చేస్తే రూ. 500 క్యాష్బ్యాక్ వస్తుందని పేర్కొంది. ఆగస్టు 31 వరకు ఈ పేటీఎం ఆఫర్ అమలులో ఉంటుందని వెల్లడించింది. జెస్ట్ మనీ నుంచి రూ.10వేల కన్నా ఎక్కువ మొత్తానికి కొనుగోలు చేస్తే 10 శాతం క్యాష్బ్యాక్ (రూ.5,000 వరకు) వస్తుందని పేర్కొంది.
వీటి మీదే ఆఫర్లు..
- రూ.13,990 నుంచే టీవీల ధరలు ప్రారంభమవుతాయి. శాన్సుయ్ 50 అంగుళాల అల్ట్రా హెచ్డీ స్మార్ట్ ఎల్ఈడీ టీవీ రూ.29,990కే కస్టమర్లకు అందుబాటులో ఉంటుంది. 55 అంగుళాల టీసీఎల్ అల్ట్రాహెచ్డీ స్మార్ట్ టీవీ కేవలం రూ.44,990కే కస్టమర్లకు లభ్యం కానుంది. ఈ టీవీ కొంటే రూ.19,990 విలువ చేసే జేబీఎల్ సౌండ్బార్ ఫ్రీ.
- వివిధ రకాల ల్యాప్టాప్లు రూ.16,999 నుంచే అందుబాటులో ఉంటాయి. 16జీబీ ర్యామ్ సామర్థ్యం గల గేమింగ్ ల్యాప్టాప్స్ రూ.64,999 నుంచే అందుబాటులోకి రానున్నాయి. లెనోవో ఎం8 32జీబీ టాబ్లెట్ కొనుగోలు ధర రూ.11,499గా సంస్థ ప్రకటించింది.
- ఫోన్లలో.. వన్ప్లస్ నోర్డ్ 2 స్మార్ట్ ఫోన్ రూ.29,999కే అందుబాటులో ఉంది. ఫైర్ బోల్ట్ అగ్ని స్మార్ట్వాచ్ రూ.2,699 సహా బీటీ ఇయర్ఫోన్స్ ధర రూ.7,999గా రిలయన్స్ పేర్కొంది.
- ఎల్జీ, శాంసంగ్, రిఫ్రిజిరేటర్స్ ధరలు రూ.23,990 నుంచి ప్రారంభం అవుతాయని సంస్థ ప్రకటనలో పేర్కొంది. ఈ కొనుగోళ్లపై రూ.3,850 విలువ చేసే బహుమతులను రిలయన్స్ అందించనుంది. రూ.12,990 నుంచి వాషింగ్మెషీన్లు అందుబాటులో ఉంటాయి. వీటిపై రూ.1,990 విలువ చేసే గిఫ్ట్స్ను ప్రకటించింది. వాటర్ ప్యూరిఫయర్ కొనుగోలు చేస్తే రూ.1,999 విలువ చేసే ఎలక్ట్రిక్ కెటిల్ను ఫ్రీగా ఇవ్వనుంది.
ఇదీ చదవండి :cryptocurrency news: రూ.4,537 కోట్ల క్రిప్టో కరెన్సీ హాంఫట్‌!
