రెపో, రివర్స్ రెపో రేట్లు యథాతథం: ఆర్​బీఐ ప్రకటన

భారీ అంచనాల నడుమ మూడు రోజుల ద్రవ్య పరపతి విధాన సమీక్ష అనంతరం కీలక నిర్ణయాలు వెల్లడించింది ఆర్​బీఐ. ఈ సారి కీలక వడ్డీ రేట్లను యథాతథంగా ఉంచుతున్నట్లు ప్రకటించింది. దీనితో రెపో రేటు 4 శాతం వద్దే కొనసాగనుంది.

కీలక వడ్డీ రేట్లను.. రిజర్వు బ్యాంక్​ ద్రవ్య పరపతి విధాన కమిటీ(ఎంపీసీ) ఈ సారి యథాతథంగా ఉంచేందుకు మొగ్గు చూపింది. దీనితో రెపోరేటు 4 శాతం వద్ద, రివర్స్ రెపో రేటు 3.35 శాతంగా వద్ద కొనసాగనున్నాయి.

వృద్ధికి ఊతమందించేందుకు వడ్డీ రేట్లు యథాతథంగా ఉంచేందుకే ఎంపీసీ సభ్యులు మొగ్గు చూపినట్లు ఆర్​బీఐ గవర్నర్ శక్తికాంతదాస్ వెల్లడించారు. మార్జినల్‌ స్టాండింగ్ ఫెసిలిటీ రేటు 4.25 శాతం వద్ద ఉంటుందని పేర్కొన్నారు. వృద్ధి కోసం భవిష్యత్​లో మరిన్ని కీలక నిర్ణయాలు ఉంటాయని తెలిపారు.

ప్రపంచవ్యాప్తంగా ఆర్థిక వ్యవస్థ బలహీనంగా ఉందన్నారు. కరోనా వల్ల ఆశించిన వృద్ధి నమోదు కాలేదని.. అయినా ద్రవోల్బణం అదుపులోనే ఉందని వివరించారు దాస్.

కరోనా నేపథ్యంలో ఇప్పటికే రెండు సార్లు అత్యవసర సమావేశాలు నిర్వహించి 115 బేసిస్​ పాయింట్ల మేర రెపో తగ్గించింది ఆర్​బీఐ.