వాహనదారులకు శుభవార్త: తగ్గిన పెట్రోల్​ ధరలు

అంతర్జాతీయంగా చమురు ధరల్లో సానుకూలతల కారణంగా దేశీయంగా పెట్రోల్​, డీజిల్ ధరలు తగ్గుతూ వస్తున్నాయి. దిల్లీలో లీటర్​ పెట్రోల్ ధర నేడు 5 నెలల కనిష్ఠానికి చేరింది. ఇతర ప్రధాన మెట్రో నగరాల్లో చమురు ధరలు వివరాలు

దేశ వ్యాప్తంగా పెట్రోల్​, డీజిల్​ ధరలు వరుసగా తగ్గుతూ వస్తున్నాయి. అంతర్జాతీయంగా ముడి చమురు ధరలు సాధారణ స్థాయివద్ద కొనసాగుతున్న కారణంగా దేశయ చమురు సంస్థలు పెట్రోల్​, డీజిల్​ ధరలు తగ్గిస్తున్నాయి. ప్రధాన మెట్రో నగరాల్లో నేడు లీటర్ పెట్రోల్​ ధర 16 నుంచి 17 పైసల వరకూ తగ్గింది. డీజిల్​ ధర లీటర్​కు 20-22 పైసలు క్షీణించింది. దిల్లీలో నేడు పెట్రోల్​ ధరలు 5 నెలల కనిష్ఠ స్థాయికి చేరడం గమనార్హం.

ప్రధాన నగరాల్లో నేటి ధరలు

నగరం	పెట్రోల్	డీజిల్	తగ్గుదల (పైసల్లో)
దిల్లీ	రూ.71.94	రూ.64.88	16/20
హైదరాబాద్	రూ.76.41	రూ.70.62	17/22
ముంబయి	రూ.77.57	రూ.67.94	15/21
కోల్​కతా	రూ.74.54	రూ.67.15	16/20
బెంగళూరు	రూ.74.35	రూ.67.03	16/21
చెన్నై	రూ.74.69	రూ.68.47	17/21

కారణమిదే..

ప్రాణాంతక కరోనా వైరస్​ చైనాను వణికిస్తున్న నేపథ్యంలో ఆ దేశం నుంచి ముడిచమురుకు డిమాండ్ భారీగా తగ్గిపోయింది. ఫలితంగా అంతర్జాతీయ మార్కెట్లో ముడి చమురు ధరలు దాదాపు ఏడాది కనిష్ఠ స్థాయికి చేరినట్లు తెలుస్తోంది. ఈ కారణంగా పెట్రోల్​, డీజిల్ ధరలను... తగ్గిన ముడి చమురు ధరలకు అనుగుణంగా సవరిస్తున్నాయి ఆయిల్ మార్కెటింగ్ కంపెనీలు.

ఇదీ చూడండి:చైనాలో ఫ్యాక్టరీలు కూత కూయట్లేదు