Petrol prices: పెరిగిన పెట్రోల్​ ధర- దిగొచ్చిన డీజిల్​

దేశంలో పెట్రోల్​ ధరలు మళ్లీ పెరిగాయి. లీటర్​ పెట్రోల్​పై 28 పైసలు పెరిగింది. ఫలితంగా దేశ రాజధానిలో పెట్రోల్​ ధర లీటరుకు రూ.101.25 చేరింది. కాగా డీజిల్​పై 16 పైసలు తగ్గింది.

దేశ వ్యాప్తంగా మరోసారి పెట్రోల్ ధరలు పెరగగా.. డీజిల్​ ధరలు స్వల్పంగా దిగొచ్చాయి. దిల్లీలో పెట్రోల్​ ధర లీటరుకు 28 పైసలు పెరిగి 101.25కు చేరగా.. డీజిల్​ 16 పైసలు తగ్గింది. ప్రస్తుతం డీజిల్​ ధర దిల్లీలో లీటరుకు 89.78గా ఉంది.

తెలుగు రాష్ట్రాల్లో..

• హైదరాబాద్​లో లీటర్​ పెట్రోల్​పై 29 పైసలు పెరగగా, డీజిల్​పై 17 పైసలు తగ్గింది. పెట్రోల్ రూ. 105.22, డీజిల్​ రూ.97.85గా ఉన్నాయి.
• గుంటూరులో లీటరు డీజిల్​పై​ 17 పైసలు తగ్గి రూ.99.49కు చేరింది. పెట్రోల్​ 28 పైసలు పెరిగి రూ.107.41గా ఉంది.
• వైజాగ్​లో పెట్రోల్ ధర లీటర్​కు​ 28 పైసలు పెరిగి రూ.106.21కు చేరింది. డీజిల్​పై 16 పైసలు తగ్గి లీటరు రూ. 98.33గా ఉంది.

మెట్రో నగరాల్లో..

• కోల్​కతాలో లీటర్​ పెట్రోల్​ ధర 34 పైసలు పెరిగి రూ.101.41కు చేరింది. డీజిల్​ 16 పైసలు తగ్గి రూ.92.87గా ఉంది.
• ముంబయిలో లీటర్ డీజిల్​ ధర 17 పైసలు తగ్గింది రూ.97.35గా ఉంది. లీటర్​ పెట్రోల్ ధర 27 పైసలు పెరిగి రూ.107.26కు చేరింది.
• చెన్నైలో పెట్రోల్​ ధర లీటరుకు 24 పైసలు పెరిగి రూ.101.97కు చేరింది. డీజిల్ 15 పైసలు తగ్గి రూ.94.3కి దిగొచ్చింది.

ఇదీ చదవండి :సీఎన్‌జీ కార్లతో పెట్రోల్ భారానికి చెక్​!