వరుసగా ఏడు రోజులు స్థిరంగా ఉన్న పెట్రోల్, డీజిల్ ధరలు బుధవారం అతి స్వల్పంగా తగ్గాయి. దేశవ్యాప్తంగా వివిధ నగరాల్లో పెట్రోల్ ధరలు (Petrol price today) కనీసం 10 పైసల నుంచి 16 పైసల వరకు దిగొచ్చాయి. ఇదే సమయంలో డీజిల్ ధరలు కూడా(Diesel Price today) దాదాపు 16 పైసల వరకు తగ్గాయి.
దిల్లీలో లీటర్ పెట్రోల్ ధర బుధవారం 16 పైసలు తగ్గి రూ.101.39 వద్దకు చేరింది. డీజిల్ ధర లీటర్ 16 పైసలు దిగొచ్చింది. దీనితో డీజిల్ ధర ప్రస్తుతం 88.82 వద్ద ఉంది.
అంతర్జాతీయంగా తగ్గిన ముడి చమురు ధరలకు అనుగుణంగా దేశీయంగానూ పెట్రోల్, డీజిల్ ధరలను సవరించినట్లు చమురు మార్కెటింగ్ సంస్థలు తెలిపాయి.