ఒలెక్ట్రా గ్రీన్ టెక్ కంపెనీకి మరో 150 ఎలక్ట్రిక్ బస్సుల ఆర్డర్

మహారాష్ట్ర ప్రభుత్వం నుంచి 150 ఎలక్ట్రిక్ బస్సుల ఆర్డర్​ను ప్రముఖ ఒలెక్ట్రా గ్రీన్ కంపెనీ అందుకుంది. వీటిని ఏడాది కాలంలో సరఫరా చేసేందుకు ఒలెక్ట్రా ఒప్పందం కుదుర్చుకుంది.

ఎలక్ట్రిక్ వాహనాల తయారీలో పేరొందిన ఒలెక్ట్రా గ్రీన్ టెక్ కంపెనీ.. మహారాష్ట్ర ప్రభుత్వం నుంచి 150 ఎలక్ట్రిక్ బస్సుల ఆర్డర్​ను అందుకుంది. పూణే మహానగర్ పరివాహన్ మండల్ లిమిటెడ్.. ఈ బస్సులను ఆర్డర్ చేయగా... వీటిని ఏడాది కాలంలో సరఫరా చేసేందుకు ఒలెక్ట్రా ఒప్పందం కుదుర్చుకుంది.

ఇప్పటికే ఈ కంపెనీకి చెందిన 150 ఎలక్ట్రిక్ బస్సులను పూణేలో ఏవీ ట్రాన్స్ నడుపుతుండగా.. ఈ కొత్త బస్సుల చేరికతో వీటి సంఖ్య 300కు చేరుకుంటుందని కంపెనీ సీఈవో శరత్ చంద్ర హర్షం వ్యక్తం చేశారు.

ఇదీ చూడండి:జనవరి నుంచి వచ్చే మార్పులివీ...