పబ్లిక్ ప్రావిడెంట్ ఫండ్ (పీపీఎఫ్).. అధిక రాబ‌డితో పాటు పన్ను ఆదా చేసే పెట్టుబడి ఎంపికల్లో ఒకటి. ఇందులో ఎటువంటి రిస్క్ ఉండ‌దు. ప్రస్తుతం పీపీఎఫ్ వడ్డీ రేటు 7.1 శాతంగా ఉంది. త్రైమాసికం ప్రాతిప‌దిక‌న పన్ను రేట్ల‌ను ప్ర‌భుత్వం స‌వ‌రిస్తుంది. కాబట్టి, భవిష్యత్తులో పీపీఎఫ్ వడ్డీ రేటు మారవచ్చు. కానీ తక్కువ రిస్క్ తీసుకోవాల‌నుకునేవారికి పీపీఎఫ్ అత్యంత అనుకూలమైన పెట్టుబ‌డిగా చెప్ప‌వ‌చ్చు. ఆర్థిక నిపుణుల అభిప్రాయం ప్రకారం.. తెలివిగా ఇందులో పెట్టుబడి పెడితే, నెలవారీ పెట్టుబడి విధానంతో 15 ఏళ్ల మెచ్యూరిటీ వ్యవధి తర్వాత పీపీఎఫ్ ఖాతా పొడిగింపు సదుపాయాన్ని పొందడం ద్వారా కోటీశ్వ‌రులు కావొచ్చు..!
పీపీఎఫ్ ఖాతా డిపాజిట్ నియమాలు
పీపీఎఫ్ ఖాతా నిబంధనల ప్రకారం.. సంవత్సరానికి పీపీఎఫ్ ఖాతాలో గరిష్ఠంగా 12 డిపాజిట్లు చేయవచ్చు. కాబట్టి, తక్కువ రిస్క్ తీసుకునేవారు, ఒకేసారి పెద్ద మొత్తం పెట్టుబడి చేయ‌లేనివారు నెల‌కొకసారి మ్యూచువ‌ల్ ఫండ్ సిప్ మాదిరిగా వీలైనంత డిపాజిట్ చేయవచ్చు. అయితే, ప్రతి నెల 5వ తేదీలోగా పీపీఎఫ్ ఖాతాలో పెట్టుబడి పెట్టాలని నిపుణులు సలహా ఇస్తారు, దాంతో ఖాతాదారుడు ఆ నెల వడ్డీని పొందవచ్చు.
పీపీఎఫ్ ఖాతా పొడిగింపు నియమం