ట్రంప్​ ప్రకటనతో చమురు ధర 6% పతనం

కరోనా సంక్షోభంతో ముడి చమురు ధర మరింత తగ్గింది. ఐరోపాకు రాకపోకలు నిలిపివేస్తున్నట్లు అమెరికా అధ్యక్షుడు డొనాల్డ్ ట్రంప్ ప్రకటించిన కాసేపటికే 6 శాతం క్షీణించింది.

అంతర్జాతీయ విపణిలో ముడి చమురు ధర మరో 6 శాతం క్షీణించింది. కరోనా వైరస్​ను కట్టడి చేసేందుకు ఐరోపా దేశాలకు రాకపోకలు నిలిపివేస్తున్నట్లు అమెరికా అధ్యక్షుడు డొనాల్డ్ ట్రంప్​ చేసిన ప్రకటన ఈ పతనానికి ప్రధాన కారణమైంది.

బ్రెంట్ ముడి చమురు ధర 5.8శాతం తగ్గి బ్యారెల్​కు 34 డాలర్లకు చేరింది. వెస్ట్ టెక్సాస్​ ఇంటర్మీడియెట్ ధర 6.2శాతం క్షీణించి బ్యారెల్​కు 31 డాలర్లకు దిగొచ్చింది.

వారం నుంచి...

రష్యా, సౌదీ అరేబియా మధ్య చమురు యుద్ధంతో కొద్ది రోజులుగా క్రూడ్​ ధరలు భారీగా పతనమయ్యాయి. ట్రంప్​ ప్రసంగానికి ముందు కాస్త పుంజుకున్నా... ఐరోపాకు రాకపోకలు నిలిపివేస్తున్నట్లు చేసిన ప్రకటన తీవ్ర ప్రతికూల ప్రభావం చూపింది.

ఇదీ చూడండి:మరింత తగ్గిన చమురు ధర- వారిద్దరి మధ్య యుద్ధమే కారణం!