దేశంలో 2025 నాటికి క్రియాశీల ఇంటర్నెట్ యూజర్లు 45 శాతం పెరిగి 90 కోట్ల పైకి చేరొచ్చని ఇంటర్నెట్ అండ్ మొబైల్ అసోసియేషన్ ఆఫ్ ఇండియా-కాంతర్ క్యూబ్ నివేదిక అంచనా వేసింది. ఈ సంఖ్య గత ఏడాది 62.2 కోట్లుగా ఉన్నట్లు వివరించింది.
2025 నాటికి 90 కోట్లకు ఇంటర్నెట్ యూజర్లు!
2025 నాటికి దేశంలో యాక్టివ్ ఇంటర్నెంట్ యూజర్లు పట్టణ ప్రాంతాల కన్నా గ్రామీణ ప్రాంతాల్లోనే ఎక్కువగా ఉంటారని ఓ నివేదిక ఆసక్తికర విషయాలు వెల్లడించింది. ఆ సమయానికి దేశవ్యాప్తంగా ఇంటర్నెట్ యూజర్ల సంఖ్య 90 కోట్లపైకి చేరొచ్చని అంచనా వేసింది. నివేదిక తెలిపిన మరిన్ని వివరాలు ఇలా ఉన్నాయి.
పెరుగుతున్న ఇంటర్నెట్ యూజర్లు
నివేదికలోని ముఖ్యాంశాలు..
- పట్టణ ప్రాంతాల్లోకన్నా.. గ్రామీణ ప్రాంతాల్లోనే 2025 నాటికి ఇంటర్నెట్ యూజర్లు అధికంగా ఉండొచ్చు.
- గ్రామీణ ప్రాంతాల్లో పెరుగుతున్న ఇంటర్నెట్ యూజర్ల సంఖ్య దేశంలో డిజిటల్ పర్యవరణాన్ని మరింత పటిష్ఠం చేయాల్సిన అవసరాన్ని సూచిస్తోంది.
- వార్షిక ప్రాతిపదికన కూడా గ్రామీణ ప్రాంతాల్లోనే ఇంటర్నెట్ యూజర్ల సంఖ్య అధికంగా పెరుగుతోంది.
- 2020లో ఇంటర్నెట్ యూజర్ల సంఖ్య పట్టణ ప్రాంతాల్లో 4 శాతం పెరిగి.. 32.3 కోట్లకు చేరింది.
- గ్రామీణ ప్రాంతాల్లో ఇంటర్నెట్ యూజర్ల వృద్ధి 2020లో 13 శాతంగా ఉంది. గత ఏడాది నాటికి ఇంటర్నెట్ యూజర్ల సంఖ్య 29.9 కోట్లు.
- పట్టణ ప్రాంతాల క్రియాశీల ఇంటర్నెట్ యూజర్లలో 33 శాతం వాటా 9 ప్రధాన మెట్రో నగరాలదే.
ఇదీ చదవండి:'నాలుగేళ్లలో ఆయుష్మాన్ భారత్కు 7% నిధులే'