దేశంలో అతిపెద్ద ఇంధన సంస్థ ఇండియన్ ఆయిల్ కార్పొరేషన్ (ఐఓసీ) సరికొత్త సదుపాయాన్ని తీసుకొచ్చింది. కొత్త ఇండేన్ వంట గ్యాస్ కనెక్షన్ కోసం.. 84549-55555 నెంబరుకు మిస్డ్ కాల్ ఇవ్వడం ద్వారా నమోదు చేసుకోవచ్చని సంస్థ తెలిపింది. ప్రస్తుత వినియోగదారులు నమోదిత ఫోన్‌నెంబర్ నుంచి ఈ నెంబరుకు మిస్డ్కాల్ ఇవ్వడం ద్వారా గ్యాస్ సిలిండర్ రీఫిల్ బుక్‌ చేసుకోవచ్చని పేర్కొంది.
గ్యాస్ కనెక్షన్ కావాలా? ఒక్క మిస్డ్కాల్ ఇవ్వండి
కొత్త వంట గ్యాస్ కనెక్షన్ కోసం ఇకపై ఇంధన సంస్థ కార్యాలయానికి వెళ్లనవసరం లేదు. ఒక్క నెంబరుకు మిస్డ్కాల్ ఇవ్వడం ద్వారా కొత్త ఎల్పీజీ కనెక్షన్ పొందే సౌకర్యాన్ని ప్రవేశపెట్టింది ఇండియన్ ఆయిల్ కార్పొరేషన్.
ఐఓసీ
దేశంలో ఎక్కడైనా మిస్డ్‌కాల్‌తో కొత్త ఎల్పీజీ కనెక్షన్ పొందే సౌకర్యాన్ని ఐఓసీ ఛైర్మన్ ఎస్ఎం వైద్య సోమవారం ప్రారంభించారు. వినియోగదారుడి ఇంటి వద్దే రెండో సిలిండర్ పొందే సదుపాయాన్ని మొదలు పెట్టారు. ఒకే సిలిండర్ కలిగిన వినియోగదారులు రెండింటికి మారే అవకాశాన్ని డెలివరీ సిబ్బంది కల్పిస్తారు. ఆసక్తి కలిగిన వినియోగదారులు సాధారణ 14.2 కిలోల సిలిండర్‌కు బదులు 5 కిలోల సిలిండర్‌ను సైతం ఎంపిక చేసుకోవచ్చు. ప్రస్తుతం ఈ సదుపాయం కల్పిస్తున్న ఏకైక చమురు మార్కెటింగ్ కంపెనీగా ఐఓసీ ఉంది.
ఇదీ చూడండి:గ్యాస్ సిలిండర్లు నీటిలో విసిరి నిరసన