మొదటిసారిగా 108 ఎమ్​పీ​ కెమెరాతో.. షియోమీ నోట్​ 10!

వినియోగదారుల అభిరుచులకు అనుగుణంగా ఎప్పటికప్పుడు సరికొత్త మోడళ్లను విడుదల చేసే షియోమీ తాజాగా మరో సంచలన ఫీచర్లున్న స్మార్ట్​ఫోన్​ను​ విడుదల చేయడానికి సిద్ధమైంది. ఎంఐ నోట్ 10 పేరిట విడుదల చేయనున్న ఈ ఫోన్​లో 108 మెగా పిక్సెల్ ప్రధాన కెమెరా, వెనుకవైపు 5 కెమెరాలు పొందుపరిచినట్లు తెలుస్తోంది. ప్రస్తుతమున్న సమాచారం ప్రకారం దీని ధర రూ.28,999 ఉండొచ్చు.

ఎమ్​ఐ నోట్​ 10 పేరుతో.. మరో పవర్ హౌస్​ ఫోన్​ను మార్కెట్లోకి తీసుకురావడానికి రంగం సిద్ధం చేసింది షియోమీ సంస్థ. ప్రపంచంలోనే మొదటిసారిగా 108 మెగా పిక్సల్ కెమెరాతో ఈ ఫోన్​ను తీసుకొస్తోంది.

తాజా సమాచారం ప్రకారం నవంబర్​ 5న 'ఎమ్​ఐ సీసీ9 ప్రో'ను చైనాలో విడుదల చేయనున్నారు. తరువాత దాని గ్లోబర్ వెర్షన్​ 'ఎమ్​ఐ నోట్​ 10' స్మార్ట్​ఫోన్​ను నవంబర్​ 14న పోలాండ్​లో లాంఛ్​ చేయనున్నట్లు సమాచారం. భారత్​లో ఈ ఫోన్​ లాంచ్​కు సంబంధించిన వివరాలు తెలియాల్సి ఉంది. ఇప్పటి వరకు వచ్చిన సర్టిఫికేషన్ లీక్స్ ప్రకారం ఈ రెండు స్మార్ట్​ఫోన్​లకీ ఒకే మోడల్​ నంబర్ ఉన్నట్లు టెక్​ నిపుణులు చెబుతున్నారు.

ఎమ్​ఐ నోట్ 10 ఫీచర్లు

• ఈ షియోమీ నూతన ఫోన్​లో 108 మెగా పిక్సెల్ ప్రధాన కెమెరా, వెనుకవైపు 5 కెమెరాలు ... 20 మెగా పిక్సెల్ ఆల్ట్రా వైడ్ యాంగిల్ కెమెరా, టెలిఫొటో లెన్స్, 12 మెగా పిక్సెల్ పొట్రెయిట్​ షూటర్​ ఉండే అవకాశం ఉంది. టెలిఫొటో లెన్స్​కు 10 ఎక్స్ హైబ్రిడ్​ జూమ్​, 50 ఎక్స్ డిజిటల్ జూమ్​ సామర్థ్యమున్నట్లు తెలుస్తోంది.
• ఎమ్​ఐ సీసీ9 ప్రొలో క్వాల్​కాం స్నాప్​ డ్రాగన్ 730జీ ప్రాసెసర్​, ఎమ్​ఐ నోట్​ 10లో స్నాప్ ​డ్రాగన్​ 855 ప్లస్ ప్రాసెసర్ ఉండే అవకాశం ఉంది.
• 6.47 అంగుళాల డిస్​ప్లే
• 5170 ఎంఏహెచ్​ బ్యాటరీ

మూడు వేరియంట్లలో

ఈ స్మార్ట్​ఫోన్​ 6 జీబీ, 8 జీబీ, 12 జీబీ వేరియంట్లలో మార్కెట్లోకి విడుదల కావొచ్చని టెక్ నిపుణులు చెబుతున్నారు. స్టోరేజీ సామర్థ్యం విషయానికి వస్తే 64 జీబీ, 128 జీబీ, 256 జీబీగా ఉండొచ్చు. నలుపు, ఎరుపు, నీలం, తెలుపు, గ్రే, పింక్, పర్పుల్ రంగుల్లో ఈ ఫోన్​ అందుబాటులోకి రానుంది. ప్రస్తుతమున్న సమాచారం ప్రకారం ఈ ఫోన్ ధర రూ.28,999 ఉండవచ్చు.

ఇదీ చూడండి:రికార్డు స్థాయి దిశగా బంగారం ధర.. నేడు ఎంత పెరిగిందంటే?