అంతర్జాతీయంగా ప్రతికూలతలు ఉన్నప్పటికీ స్టాక్మార్కెట్లు చివరకు స్వల్ప లాభాల్లో ముగిశాయి. హాంకాంగ్లో రాజకీయ సంక్షోభం, అమెరికా-చైనా వాణిజ్య ఒప్పందంపై అనిశ్చితితో మార్కెట్లలో అస్థిరత కొనసాగింది. ఒడుదొడుకుల నడుమ... సూచీల వృద్ధికి బ్యాంకింగ్ రంగాలు ఊతమిచ్చాయి. ఎస్ బ్యాంక్ ఏకంగా 5 శాతానికి పైగా ఎగబాకింది.
బొంబాయి స్టాక్ ఎక్స్చేంజి సూచీ సెన్సెక్స్ 21 పాయింట్లు పెరిగి 40 వేల 345 వద్ద ముగిసింది. జాతీయ స్టాక్ ఎక్స్చేంజి సూచీ నిఫ్టీ స్వల్పంగా 5 పాయింట్ల లాభంతో.. 11 వేల 913 వద్ద స్థిరపడింది.
లాభనష్టాల్లోనివివే...
బ్యాంకింగ్ రంగంలో భారీ లాభాలు నమోదయ్యాయి. ఎస్ బ్యాంక్ 5.80 శాతం వృద్ధి చెందింది. ఐసీఐసీఐ బ్యాంక్, ఇండస్ఇండ్ బ్యాంక్, యాక్సిస్ బ్యాంక్, కోటక్ బ్యాంక్, జీ ఎంటర్టైన్ మెంట్స్, బీపీసీఎల్, గెయిల్, టాటా మోటర్స్ పుంజుకున్నాయి.