అసోంకు చెందిన 'మనోహరి గోల్డ్ టీ' చరిత్ర సృష్టించింది. కిలో రూ.50,000కు అమ్ముడై ప్రపంచ రికార్డు బద్దలుగొట్టింది. గువాహటిలో ఇవాళ వేసిన వేలంపాటలో 'గోల్డ్ టీ'ని కిలో రూ.50 వేలు చొప్పున సౌరభ్ టీ ట్రేడర్స్ ప్రైవేట్ లిమిటెడ్ కొనుగోలు చేసింది. ఫలితంగా... ఇప్పటి వరకు డోనీ పోలో పేరిట ఉన్న కిలో రూ.40 వేలు రికార్డు తుడిచిపెట్టుకుపోయింది.
దిబ్రూగఢ్లోని మోహన్బరీ ప్రాంతంలో 'మనోహరి టీ ఎస్టేట్' ఉంది. దీని యజమాని రాజన్ లోహియా వివిధ రకాల 'టీ'ని ఉత్పత్తి చేస్తున్నారు.
"ఈ విజయం రాత్రికి రాత్రే వచ్చింది కాదు. మేము నాణ్యతపై ప్రత్యేక దృష్టి పెట్టాం. వివిధ ప్రత్యేక 'టీ'లను ఉత్పత్తి చేశాం. మా మనోహరి టీ ఎస్టేట్లో భారతీయులు ఎక్కువగా వాడే సంప్రదాయ సిటీ-సిటీ ఉత్పత్తి చేస్తున్నాం. మనోహరి గోల్డ్ టీ... మరో సంప్రదాయ టీ. వీటితో పాటు గ్రీన్ టీ, అలోంగ్ టీ, యెల్లో టీ, వైట్ టీ, సిల్వర్ నిడెల్ సహా పలురకాల టీలను ఉత్పత్తి చేస్తున్నాం. ఈ రోజు మా మనోహరి గోల్డ్ టీ ప్రపంచ రికార్డు సృష్టించింది. మరే వేలంలోనూ, ఏ 'టీ' ఇంత ధర పలకలేదు."
- రాజన్ లోహియా, మనోహరి టీ ఎస్టేట్ యజమాని
ఇదీ చూడండి:వినియోగదారుల రక్షణ బిల్లుకు లోక్సభ ఆమోదం