వచ్చే నెలలో వంటగ్యాస్​ ధరలు తగ్గుతాయ్​: కేంద్రమంత్రి

వంటగ్యాస్ ధరలపై కీలక ప్రకటన చేశారు కేంద్ర పెట్రోలియం, సహజవాయువు వ్యవహారాల మంత్రి ధర్మేంద్ర ప్రధాన్​. వేసవిలో డిమాండ్ తగ్గనున్న నేపథ్యంలో సిలిండర్ ధరలు తగ్గే అవకాశం ఉందని తెలిపారు.

వంటగ్యాస్​ ధరలు వచ్చే నెల తగ్గే అవకాశముందని పెట్రోలియం, సహజవాయువు వ్యవహారాల మంత్రి ధర్మేంద్ర ప్రధాన్​ తెలిపారు. ఛత్తీస్​గఢ్​ పర్యటనలో ఉన్న ఆయన ఎల్పీజీ ధరల పెరుగుదలపై ఈ విధంగా స్పందించారు.

"ధరలు నిరంతరంగా పెరుగుతున్నాయటం వాస్తవం కాదు. ఈ నెలలో అంతర్జాతీయ మార్కెట్లో ధరలు పెరగటం వల్లనే వంటగ్యాస్​ ధరలు పెరిగాయి. శీతకాలంలో గ్యాస్​ వాడకం పెరుగుతుంది. వేసవిలో తగ్గుతుంది. వచ్చే నెలలో ధరలు తగ్గే సూచనలు కనిపిస్తున్నాయి. "

-ధర్మేంద్ర ప్రధాన్​, కేంద్ర మంత్రి

ఒక్కో సిలిండర్​పై రూ.144.5(దిల్లీలో) పెంచుతున్నట్లు ప్రభుత్వ రంగ ఇంధన సరఫరా సంస్థ ఇండియన్ ఆయిల్ ఈనెల 12న ప్రకటించింది. అయితే... సామాన్యులకు ఇబ్బంది లేకుండా ప్రభుత్వం తిరిగి ఇచ్చే రాయితీ సొమ్మును రెట్టింపు చేసింది. సబ్సిడీ రూ.153.86 నుంచి రూ.291.48కి పెంచింది.