ఏం స్పీడు గురూ: 6.1 సెకెన్లలో 100 కి.మీ వేగం!

జర్మనీకి చెందిన దిగ్గజ కార్ల తయారీసంస్థ బీఎండబ్ల్యూ భారత మార్కెట్లో తన బీఎండబ్ల్యూ 530ఐ స్పోర్ట్స్ కారును విడుదల చేసింది. కేవలం 6.1 సెకెన్లలోనే 0 నుంచి 100 కి.మీ వేగాన్ని అందుకోవడం దీని ప్రత్యేకత. దీని ధర రూ.55.4 లక్షలు (ఎక్స్​ షోరూమ్​).

జర్మనీ విలాసవంత కార్ల తయారీ సంస్థ బీఎండబ్ల్యూ సెడాన్​ రకం బీఎండబ్ల్యూ 530ఐ స్పోర్ట్​ వాహనాన్ని భారత్​లో విడుదల చేసింది. దీని ధర రూ.55.4 లక్షలు (ఎక్స్​ షోరూమ్​).

చెన్నైలో..

ఈ మోడల్​ను చైన్నైలోని బీఎండబ్ల్యూ గ్రూప్​ ప్లాంట్​లో ఉత్పత్తి చేసినట్లు కంపెనీ తెలిపింది. 2-లీటర్​ బీఎస్​-6 ప్రమాణాలు, 4-సిలిండర్​ పెట్రోల్​ ఇంజిన్​, 252 హెచ్​పీ సామర్థ్యం, 8-స్పీడ్​ ఆటోమేటిక్​ ట్రాన్స్​మిషన్​తో దీన్ని రూపొందించినట్లు పేర్కొంది.

సెకెన్ల వ్యవధిలోనే..

6.1 సెకెన్లలోనే 0 నుంచి 100 కి.మీ వేగాన్ని అందుకోవడం దీని ప్రత్యేకత. ఈ మోడల్​ను దేశీయంగా చెన్నై ప్లాంటులోనే తయారుచేసినట్లు కంపెనీ వెల్లడించింది. డిస్​ప్లే కీ, గెస్చర్ కంట్రోల్​, పార్కింగ్ అసిస్టెన్స్, రేర్​వ్యూ కెమెరా, పార్క్​ డిస్టెన్స్​ కంట్రోల్​ లాంటి సౌకర్యాలు కల్పించినట్లు సంస్థ తెలిపింది.

ఇదీ చూడండి:ఎక్కడ ఉన్నా పక్కన నువ్వే ఉన్నట్టుంటుందే!